2021/2022In sarduHermaea manna a beru, tantu chi sos primos de sa classe iscradiant in Olbia

23/11/2021

Sa balia de sas olbiesas domat s’Omag, acudida dae atesu, cun sete binchidas una fatu a s’atera.

Cund’unu attrivu de ammentare , s’Hermaea binchet in tres set, Omag San Giovanni in Marignano, sas primas e bene reconnotas de su girone A, de su campionadu de serie A2, e assestat gasì cun fortza su bilantziu, pustis de sa mala perdida de Marsala.

Accurtzu a sa tzente sua de su Geo Palace, sas biancasblue ant donadu una proa, chi meda s’acurtziat a sa perfetzione bera, totu custu cumandende donzi game, mancu su finale, inue est pigada a pizu s’istrachesa, pius nervosa che fisica.

Balentes sas giogadas de Renieri e Barbatunde, ma s’iscuadra intrea, guidada dae Mastru, at mustradu pilu in su coro, giompende cun meritu a binchere, una gara chi premiat sa classifica e s’animu pro su tempus bennidore.

SA GARA – Sas olbiesas si presentant cun su sesteto pius connotu, Allasia e Renieri in diagonale, Barbazeni e Babatunde in sa mesania, Miilen e Maruotti in sa banda e sa capitana Caforio libero.

S’omag benit dae s’esperientzia de sete partidas binchidas, ua fatu a s’atera cun, Turco in diagonale cun Ortolani, Mazzon e Consoli in sa mesania,  Coulibaly (ex de turnu) e Bolzonetti in su logu 4, cun Bonvicini libero. S’Hermaea tucat cun bonu animu e dae s’icomintzu tancat in curtzu sa contra omagesa (4-1).

San Giovanni in Marignano chircat su tempus e paregiat a 9, ma sas “abilotas”ponent a frutu una bella battida de Babatunde e pustis  de s’atacu vintzente de Renieri, pro leare su ‘olu (20-17). Su finale de set no at pius istoria: s’Hermaea no si potet parare e tancat 25-21, cun sa proa manna de Renieri.

Sas olbiesas fuint luego in su segundu tempus, giompende a +4 cun Miilen in bona evidentzia.

Barbolini proat de onzi manera a ischidare su desitzu de riscatu de s’iscuadra sua (bintrat Brina e su segundu palleggiu Aluigi), ma sas meres de domo ant un’ateru tempus e guidant 21-17, gratzias a su muru vintzente de Renieri subra Coulibaly. S’Omag suerat a agatare unu cabu e s’Hermaea bolat subra su 2-0 cun duos bolck out, unu fatu a s’ateru, agatados dae Miilen.

Su terzu tempus  tucat semper in falada : duos ace de Maruotti trazant s’Hermaea subra su +8 (12-4). S’Omag però no est galu domada e tessessit a reagire verso sa fine: che pigat a -7 (19-11) e in fatu  a su puntu agabbadu dae Barbazeni, sas romagnolas proant a sighire sas olbiesas giompende a su pareggiu , a sue 19, gratzias a sa balia de Bolzonetti. Caforio cun cumpantzas però no sei perdent de animu e resessint a contivitzare cun sa crisi issoro e pustis a su timeout preguntadu dae mastru Guadalupi, torrant a giogare coment’ischint issas: Severin cund’un’inventzione de segunda si leat sa prima match ball in su 24-20. San Giovanni in Marignano resistit a su primu atacu, ma nudda potet cando Miilen contr’atacat, agabbende su match e donende gasì a s’Hermaea una de sas binchidas pius bellas e pagu isetada de sos ultimos tempos.

Pustis de sa perdida de Marsala, amus tribagliadu subra sa concentrazione e s’identidade tatica chi no semper resessimus a agatare in partida e chi oe amus apidu in totu sos tres set”, contat mastru Guadalupi “custa binchida potet bene sinnare sa fiducia de s’iscuadra. Oe amus giogiadu cun calmesa, contra un’scuadra chi at semper binchidu in sos ultimos tempos e chi potet contare subra unu contivitzu de giogu cund’unu carattere solu sou. Semus falados in campu chi aiamus pagu de perdere, impitende tota sa balia  e totu est andadu comente desitzu nariat. Como devimus sighire a tribagliare meda pro torrare a giompere a sa cuntentesa meritada”.

SEGUICI SUI SOCIAL

Non perdere nemmeno una news sul mondo #HermaeaFamily, seguici sui social!

BIGLIETTERIA ONLINE

Acquista comodamente in formato digitale i tuoi biglietti per le partite della Serie A!
http://www.hermaeavolley.it/wp-content/uploads/2018/09/fila_blu__hermaeavolley_web-1.jpg

LVF TV

Archivi notizie

Privacy Policy

Cookie Policy

Volley Hermaea Olbia, Partita Iva 01720590908 - Lega Volley Femminile Serie A