2021/2022In sarduSa balia de s’Hermaea binchet puru contr’a Macerata e bolat in Coppa Italia!

06/12/2021

Terza binchida fatu a s’atera pro sas olbiesas chi che colant sa Cbf Balducci cund’una proa manna a beru de Sofia Renieri

Un’atera binchida de ammentare pro s’Hermaea Olbia, chi in su Geopalace che colat puru sa Cbf Balducci Macerata e sighit su caminu sou in sa Coppa Italia de sa serie A2.
Mai istada in giogu sa binchida de sas àbbilas de Taulara, bonas a mugiare cun animu vintzente sa terza forza de su campionadu, gratzias a unu cumandu seguru in su muru e a una calidade manna in sa bàttida. De mentovu Renieri, top scorer cun 18 puntos e giodadas malas a parare, ma namus puru che s’Hermaea ha potidu godire de sos fruttos de una proa galana dae totu su sesteto.

SA GARA – Mastru Guadalupi presentat Allasia a su palleggiu, Renieri a sa contra, Miilen e Maruotti in sa banda, Barbazeni e Babatunde in sa mesania e Caforio libero. Macerata invece rispondet cun Ricci in diagonale, Stroppa, Michieletto e Fiesoli in logu 4, Pizzolato e Martinelli in mesania cun Bresciani libero.
S’Hermaea bi ponet pagu a bogare a pizu su talentu e cun su primu tempus de Babatunde, bolat subra s’8-3. Su mastru istrantzu Paniconi, giamat a su primu abboju s’iscuadra, chi bi proat a reagire acurtziende sa distanzia, fintzas a sul 15-12. Sas olbiesas però sighint a tribulare sa retzida istranza e in pagu tempus torrant a leare sa fua, giompende a 20-13, cun sas giogaia mannas de Barbazeni. Sas istrantzas proant unu mediu mudende carchi giogadora, (bintrant Gasparroni e s’ex Ghezzi), ma no resessint a mintzidiare su cumandu de sas sardas, ch’accabant 4 bocces set, ma pustis tancant 25-19, gratzias a sa giogada de segunda de Allasia.

Pius ecuilibrata, invece, sa segunda parte: sa Cbf Balducci accontzat sa defesa e guidat pro meda tempus, ma s’Hermaea giocat semper cun s’animu connotu e nos los perdet de vista. Sa duas iscuadras giompent umpare cuota 18, ma poi subra Macerata si lampat su ciclone Renieri: sa contra hermeina guidat sa fua finale cun tres puntos fatu a s’ateru, frimmende su giogu subra su 25-19, donende a s’Hermaea su 2-0.

Sas àbilottas profitant de s’iscoramentu de sas marchigianas pro abbaidare dae altu fintzas su terzu set (11-5 poi de sa pipe di Miilen). Macerata recuperat unu pagu fintzas a giomper a su -3 (19-16), godende de su mamentu ‘onu de sa mesania cun Pizzolato, no est meda però pro faghes tremare su cumandu de s’Hermaea, chi no devet tribulare pius de tantu pro accabbare su contu subra su 25-19, cun sa gherradora pius manna de su match: Sofia Renieri.
A sa fine est festa manna, siat subra su taraflex che foras in tribuna: da poi de 6 istagiones s’Hermaea torrat in Coppa Italia e godit de s’aera de s’alta classifica.

“Oe potimus a beru narrere de essere meda contentos de sa proa donada dae s’iscuadra – cummentat su Mastru de s’Hermaea Dino Guadalupi – Est’istata una proa chena pasu, inue mai amus perdidu s’identidade tecnica. Su giogu est semper metzorende e incomintzat a fruttare comente desitzadu. Amus perdidu su pesu chi si carrat imparende e como semus giompidos a essere un’iscuadra bera, ch’ischit cantu e comente fagher bene. Fato sos complimentos mios a sas piseddas, pro s’impignu impitadu in su tribagliu, ma chertzo ammentare puru, chi no semus galu in sa condizione ideale ca pro mala sorte, no nos mancant sos infortunios. Sa Coppa Italia est una soddisfazione manna, ca no est fatzile a s’agatare in custa positzione pustis de s’ d’andata. Sa posizione nostra est su fruttu de unu trend positivu, giompidu in sas urtimas tres dies, cun meritu mannu dae parte de totus”.
Hermaea Olbia-Cbf Balducci Hr Macerata 3-0 (25-19; 25-19; 25-19)
Hermaea: Renieri 18, Miilen 16, Fezzi, Allasia 3, Minarelli, Maruotti 4, Caforio L, Severin, Gerosa, Formaggio, Babatunde 8, Barbazeni 10. Allenatore: Guadalupi
Macerata: Malik, Bresciani L, Martinelli 7, Cosi 2, Michieletto 4, Gasparroni, Ghezzi 4, Ricci, Stroppa 12, Peretti, Pizzolato 9, Fiesoli 4. Allenatore: Paniconi
Arbitri: Adamo e Grossi

SEGUICI SUI SOCIAL

Non perdere nemmeno una news sul mondo #HermaeaFamily, seguici sui social!

BIGLIETTERIA ONLINE

Acquista comodamente in formato digitale i tuoi biglietti per le partite della Serie A!
http://www.hermaeavolley.it/wp-content/uploads/2018/09/fila_blu__hermaeavolley_web-1.jpg

LVF TV

Archivi notizie

Privacy Policy

Cookie Policy

Volley Hermaea Olbia, Partita Iva 01720590908 - Lega Volley Femminile Serie A