2023/2024In sarduBlitz Hermaea! Bìnchida Soverato a su tie break

19/03/2024

Hermaea sighit su caminu innanti pro giompere a sa salvesa, immentigada sa perdids còntra Brescia, sas sardas bìnchent a su tie break sa gara de su PalaScoppa, còontra sa Volley Soverato ( 23-25, 25-23, 25-20, 13-25, 7-15 sos partziales).

In terra calabresa contant sos 21 puntos de s’opposta Virgila Adriano, 15 cussos postos a terra dae Imamura. Nòdisos puru sos 18 de Partenio e sos 15 de Gannar. Sa bìnchida cheret narrer meda ca Bologna puru at violadu su campu de Costa Volpino. Sas àbbilas de Taulara abbarrant sestas distantziadas de unu puntu solu dae sas emilianas. E dominiga chi benit sas olbiesas potent abbaidare cun animu bonu a sa gara còntra su Pescara, urtima in classifica.

SA GARA – Coladu s’incomintzu semper in-segus, fatu a su Soverato (10-7),  s’Hermaea si che colat 13-12, gratzia a s’attacu out de de Buffo. Soverato si torrat a pesare a sa ritza e resessit a guidare innanti, ma a sa fine sas herminas sinnant s’1-0, cun su 25-23 sinnadu dae Adriano.

Sas meres de domo, cumandadas dae mastru Guidetti, torrant bene in gara in su segundu e terzu set, bìnchidos 25-23 e 25-20, gratzias a Buffo e Guzin. Sas olbiesas puru perdende agatant atza noa: Imamura e Partenio ajuant sa fùa in su cuartu set (8-1). Soverato no resessit a sighire e s’Hermaea chi che furriat s’urtima paraula a su cuintu set. A sa fine Schmit e cumpantzas bogant a pizu sa balia vintzente e aggabant sos contos 15-7, cun duos puntos unu fat a s’àteru, postos a terra dae Imamura.

Mario Bua Capitta, Amistade

SEGUICI SUI SOCIAL

Non perdere nemmeno una news sul mondo #HermaeaFamily, seguici sui social!

BIGLIETTERIA ONLINE

Acquista comodamente in formato digitale i tuoi biglietti per le partite della Serie A!
https://www.hermaeavolley.it/wp-content/uploads/2018/09/fila_blu__hermaeavolley_web-1.jpg

Instagram

Archivi notizie

Privacy Policy

Cookie Policy

Volley Hermaea Olbia, Partita Iva 01720590908 - Lega Volley Femminile Serie A