2021/2022In sarduPreviewSerie AFurriada ranchida pros’Hermaea: Ravenna binchet a su tie break

01/02/2022

Partida a duas caras pro sas olbiesas, tuccant male, che colant sa contra ma finint peus cando aggabbant sa benzina, in su mamentu pius bellu

Baranta e duas dies chena gara, timende su Covid, ant lassadu unu sinnu nodidu.

S’Hermaea at gherradu  cun ungias e dentes, ma a sa fine est rutta contr’a una Olimpia Teodora Ravenna, innanti mala a domare, pustis vintzente in sa lutta de su Geopalace.

 

Tuccada in pigada pro sas abbilas de Taulara, chi ant donadu luego remediu, binchende chena tribulia su segundu e su terzu partziale. Sa binchida pariat tando fata, cando tot’in unu est bennida a mancare  s’energia e sas romagnolas ant potidu cumprire sa remuntada.

SA GARA – Mastru Guadalupi seberat Allasia a su pallegiu, Renieri a sa contra, Miilen e Maruotti in banda, Barbazeni e Gerosa in sa mesania e Caforio libero. Foras Babatunde, operada dae pagu a su meniscu. Ravenna, invece, si presentat cun s’ex Spinello in diagonale cun Fricano, Pomili e Bulovic in su logu 4, Torcolacci e Colzi in sa mesania e Rocchi libero.

Pagu sestadu su primu set, con sa duas iscuadras chi lamentant sa mancada attividade, ruende in meda faddinas. Ravenna cumandat cun custantzia (16-13), s’Hermaea pareggiat sos  contos cun su primu tempus de Barbazeni e a sighire donat vida a un’infinidu puntu a puntu chi pariat de podere favorire sa binchida cando s’attacu de Renieri si ch’est coladu subra su 23-22. A cussu beru mamentu carchi cosa est mancada e s’Olimpia Teodora nd’at profitadu dereta pro pareggiare cun Pomili e poi si che colare pro semper, pustis de s’attacu out di Maruotti (25-23).

Su riscatu  hermeinu at isetadu pagu tempus: Caforio cun sas cumpantzas ant cumandadu ‘ene su segundu game, fintzas a giompere a su +7 (17-10). Bendandi seberat s’intrada de Guasti in banda, ma Ravenna carrat pagu metzoru, s’attacu sou no mirat meda ‘ene e no resessit a oriolare sas sardas, bonas a pareggiare su contu subra su 25-17.

Su terzu partziale  est galu pius giaru: sas romagnolas tenent sa gara solu a s’incomintzu, pustis potent solu abbaidare sa fua chena pasu de sa balia superiore de s’Hermaea. Su block out di Miilen balet pro aggabbare su terzu giogu subra su 20-14. Ravenna no agatat s’animu pro ponnere in sestu sa partida, tando sas olbiesas tancant fatzile subra su 25-16 grazie a su mani fuori de Renieri e donant s’idea de podere aggabbare s’opera in pagu tempus.

Su sentidu però, fit solu un’ingannu: su cuartu set at bogadu a pizu su cumandu de sas istrantzas , chi bolant a +5 con Fricano, pro fuire attesu gratzias a s’attacu in fast de Colzi chi balet su 20-14. L’Hermaea si frimmat incue, cun Bulovic e cumpantzas chi bi ponent pagu a imbiare su giuditziu a su tie break con ateros 5 puntos, unu fatu a s’ateru.

Torradas in campu sas isolanas proant totu su chi si podet in sa chirca de sas ultimas energias, ma resessint a resistere solu fintzas a su ses umpare. Su Covid paret appat colpidu piu pagu s’Olimpia Teodora, e su cabu in campu lassat pagos dubios. Bulovic e Torcolacci no agatant resistentzia sinnende gasì sa fua chi balet sa binchida de duos puntos.

S’obbligu de frimmada at fatu dannu a totus, a nois e a issos puru”.narat mastru Dino Guadalupi, “No est unu casu chi sa partita, est istada sinnada dae tantas faddinas. In su primu set at binchidu sa sorte, pustis amus leadu su cumandu de su giogu, ajuados puru dae s’istrachesa de sa contra. A narres su ‘eru no pensaio chi Ravenna aiat potidu agatare s’animu pro torrare in partida in su quartu set. Candu custu est accudidu amus perdidu sos brios pro resessire a adderetare sa gara. A Nadale aimus abbojadu s’identidade tecnica, como pro la torrare an’domo, b’at a cherrere patzientzia meda”.

VOLLEY HERMAEA OLBIA – OLIMPIA TEODORA RAVENNA 2-3 (23-25 25-17 25-16 14-25 8-15) – VOLLEY HERMAEA OLBIA: Miilen 12, Barbazeni 10, Renieri 15, Maruotti 11, Gerosa 6, Allasia 2, Caforio (L), Formaggio, Severin, Minarelli. All. Guadalupi.
OLIMPIA TEODORA RAVENNA: Spinello 3, Bulovic 15, Torcolacci 11, Fricano 16, Pomili 16, Colzi 3, Rocchi (L), Guasti 4, Fontemaggi, Foresi, Salvatori. Non entrate: Sestini, Monaco (L). All. Bendandi. ARBITRI: Grassia, Adamo. NOTE – Durata set: 26′, 23′, 22′, 22′, 13′; Tot: 106′.

 

A cura di Mario Bua Capitta

 

SEGUICI SUI SOCIAL

Non perdere nemmeno una news sul mondo #HermaeaFamily, seguici sui social!

BIGLIETTERIA ONLINE

Acquista comodamente in formato digitale i tuoi biglietti per le partite della Serie A!
https://www.hermaeavolley.it/wp-content/uploads/2018/09/fila_blu__hermaeavolley_web-1.jpg

Instagram

This error message is only visible to WordPress admins

Error: API requests are being delayed for this account. New posts will not be retrieved.

Log in as an administrator and view the Instagram Feed settings page for more details.

Archivi notizie

Privacy Policy

Cookie Policy

Volley Hermaea Olbia, Partita Iva 01720590908 - Lega Volley Femminile Serie A