No abbastant sos 24 puntos de Bulaich: sas àbbilas binchent su primu set, pustis s’arrendent colpados dae sos colpos de Visintini, Frangipane e Zojzi
Una giogada pagu galana carrat sa cuinta perdida de s’annada a s’Hermaea Olbia, colada tres set a unu, in su campu de s’Emilbronzo 2000 Montale, in sa decima gara de andada de su girone A2 de sas feminas. Binchidu su primu set (29-27), sas abbilas de Taulara ant perdidu malamente sos duos partziales infatu (25-16 e 25-17), duncas su cuartu, meda pius apparinadu, est rutu a sa fine suta sos colpos de Zojzi (25-23). Indebbadas sos 24 puntos falados a terra dae Daniela Bulaich, top scorer de s’iscuadra.
SA GARA – Montale tuccat metzus e si che colat innantis subra s’8-5. Hermaea tenet sa contra cun bona balia, pustis torrat a iscradiare insegus 17-12. Mastru Guadalupi pedit su timeout e mintet a Bridi ( torrada pustis de una frimmada durada duos meses pro infortuniu) in regia in logu de Bresciani. Sas biancasblue sighint infatu fintzas a su -2, chena resessire a apparinare. Montale balantzat pius de una boccia set, ma no tancat, sas hermainas invece ponent a frutu sa bàttida de Fontemaggi pro furriare in giogu. Sa gara sighit a vantaggi e pustis a meda colpos donados e retzidos, sas olbiesas resessint a giompere a sa binchida, gratzias puru a un attacu out de Visintini.
Hermaea no ponet però a frutu su mamentu bonu e in su segundu set no agat sa balia pro ponnere fatu a Montale, chi aggabat su set 25-16, cunbinchidos de sa fortza issoro.
Sos emilianos sighint a cumandare su giogu in su terzu set, tancadu 25-17, gratzias a sas giogaia vintzentes de Visintini, Frangipane e Zojzi.
Mudat sa caminera in su cuartu partziale: Hermaea torra a agattare animu e fatu a su connottu luttat puntu a puntu fintzas a sue 11 umpare. Pustis si torrat a bidere Miilen, chi sinnat sa fua 17-14, ma su sesteto de de mastru Ghibaudi no si lassat domare e torrat a su -1 (18-17). In su mamentu pius gherradu sas biancasblue confidant in sa balia de Bulaich, chi che tratzat sas cumpantzas suas a su +3. Visintin no est cuncorda e guidat su passatzu a su 23-21. Mastru Guadalupi preguntat su timeout e sas sua donant bonu cabu, apparinende sa contra a livellu 23 cun Miilen. Totu indebbadas, ca Zojzi leat a manu tenta s’Emilbronzo e li donat sa binchida pius nodida (25-23).
“Mancari amus binchidu, dae su primu set amus bidu chi Montale at apidu su geniu de agabbare su set – narat mastru Guadalupi – Nois semus resessidos a torrare in giogu gratzia a una bona proa in sa bàttida. Ma dae tando potiamus bidere chi sa resa de s’iscuadra no bogaiat a pizu totu su chi aiat potidu bogare. Custu traggiu no est piu mudadu in tota sa gara: amus muradu e difesu male, cando sa contra giogaiat bene sa boccia in altesa profitende de sas faddinas nostras. Amus proadu a furriare in giogu cun su geniu de sa bàttida, ma s’iscuadra fit pagu tranchiglia, comente bloccada. Guasi mai semus resessidos a cumprire cantu proadu innanti. Carchi orta amus bidu sa balia preguntada, ma sas faddinas sunt istrada meda pro podere furriare intro sa lutta ‘e sa partida. Custa perdida nos devet ajuare a torrare a s’ umilidade”.
Traduzione a cura di Mario Bua Capitta di Amistade
