Nudda ‘e ite faghere in su campu de sos cabumastros, chi l’agabbant in tres set (25-19; 25-16; 25-19)
S’ànticipu de sa terza die de su campionadu donat pagos puntos a s’Hermaea Olbia, binchida in tres set in su campu de s’Itas Trentino, iscuadra in cumandu de su Girone A de sa Serie A2 de sas Feminas de Volley (25-19; 25-16; 25-19). Comente tìmidu, isfida complicada pro sas biancasblue, chi puru sunt resessidas a oriolare sa contra, meda pius connotta, a incomintzu de su primu e a sa fine de su terzu set. Top scorer sas duas cattigàdoras Miilen e Bulaich cun 12 puntos.
SA GARA – A mancu de 48 oras de tempus dae sa gara de Coppa Italia contr’a Talmassons, sas hermainas tuccant cun balia e cumandant su giogu, pontzende a frutu sas faddinas de sa contra (10-7). S’Itas però bi ponet pagu a apparinare a sue 12 cun Michieletto e pustis che colant innanti cun Mason. Sas Àbbilas de Taulara defendent bene meda, ma pustis iscradiant pagu a pagu insegus (Mason sinnat su 20-14). Su sesteto de Saja si leat sa prima boccia set subra su 24-18, Gannar frimmat un attacu in fast e pustis Fondriest donat su primu partziale a sas suas (25-19).
Minore su bilanciamentu in su segundu set, cun sas meres de domo, chi fuint luego fintzas a su 4-0. S’Hermaea proat a torrare su colpu e giompet a su -1, ma sa mesania de su set confabbulat cun Michieletto e compantzas, capatzes de faghere logu meda, attesu tra sas iscuadras (20-12) e de tancare gasì sos contos cun Mason pro su 25-16.
Trentino cumandat cun autoridade su terzu set. Sas olbiesas mantennent su tempus de su giogu giompende puru a su -2 cun Miilen (12-9), ma no resessint a las tennere. Mason e Bonelli ajuant sa fuìda trentina a su 20-13, sas sardas torrant fintzas a su -4 (23-18), ma devent donare sa resa in fatu a su servitziu in rete de Messaggi (25-19).
“Oe amus bidu una bona tuccada e un’animu discretu – cummentat Mastru Dino Guadalupi – cando ch’est pigadu su tempus, tando nos semus perdidos in cantu a intensidade. Amus proadu a mudare sa cosas chirchende àteru mediu, ma semus ruttos male in su segundu set. Trento est sa metzus iscuadra de su girone nostru in sa battida, gasì amus penadu pro agatare su tempus in su cambiu ‘e boccia. Sa partida s’est caentada e devimus narrere chi sa contra no at apidu mai pasu, mancu cando che fuint attesu meda cun su puntegiu. Custu nos at complicadu sa vida in su giogu e sa mente puru. Aimus devidu pulire su tribagliu tecnicu: custu nos aiat apidu ajuadu a binchere sa balia superiore de Trento, invece amus imbruttadu siat sa prima che sa segunda toccada. Si fimus istados pius pretzisos, aimus potidu mantennere metzus su puntegiu. Dono sos complimentos mios a Trento, chi oe puru s’es mustrada fidènte e mere de calidade manna”.
Itas Trentino-Hermaea Olbia 3-0 (25-19; 25-16; 25-19)
Itas Trentino: Bonelli 4, Fondriest 6, F. Michieletto 12, Parlangeli L, Dehoog 10, Meli, Moretto 9, Mason 11, Libardi L, Serafini, Stocco, Joly, Bisio, A. Michieletto. Allenatore: Saja
Hermaea Olbia: Schirò 4, Messaggi 3, Miilen 12, Gannar 5, Bulaich 12, Bridi 2, Bresciani 1, Tajè 1, Barbagallo L, Fontemaggi, Diagne. Allenatore: Guadalupi
Arbitri: Pasin e Jacobacci
Ufficio Stampa
Volley Hermaea Olbia
