Nodida binchida pro sas àbbilas de Taulara, chi l’achivint in tres set subra sas emilianas
Un’Hermaea Olbia binchet cun meritu contr’a Emilbronzo Montale in tre set (26-24; 25-20; 25-19) e pustis de duos turnos perdidos, torrat vintzente in su campionadu de Serie A2 de sas feminas.
Tres puntos balentes meritu de un’iscuadra intrea, capatza de una gara manna abberu. Toccat de mentovare subra de totus sa proa de sas duas bande Bulaich e Miilen, presentes in donzi mamentu de importu de su match (ambas 14 e 12 puntos).
Sos tres puntos balantzados ajuant sas àbbilas de Taulara a tennere Albese (binchida a Busto Arsizio) subra su sestu logu, s’urtimu bonu pro rupire sa Poule Promotzione. Amus a faghere sos contos finales dominiga chi benit, cun Tajè e cumpantzas in gara a Lecco e sas comascas in domo contr’a su Sassuolo.
SA GARA – Hermaea presentat s’istarting six consolidadu: Bridi in diagonale cun Schirò, Bulaich e Miilen in logu 4, Gannar e Tajè in sa mesania cun Barbagallo libero. Montale, penultima e rutta in sa urtimas 5 perdidas unua fatu a s’àtera, giogat cun Lancellotti a su palleggio, Visintini opposto, Frangipane e Zojzi in banda, Fronza e Rossi in mesania cun Bici libero.
Sas emilianas tuccant cun balia e cumandant s’incomintzu. Hermaea s’ischidat bellu a bellu e apparinat a cuota 11 pro agatare sa fùida bona subra su 16-13 sinnadu dae chirò. Montale no timet e torrat insegus donzi proa e fùa. Subra su 23-21 sa gara paret torrende in falada pro sas isolanas, recuperadas però dae Zojzi. Sa battalla sighit a sos vantaggi, agabbados dae s’ace de Bulaich (26-24).
S’Emilbronzo tuccat bene fintzas in su segundu set gratzias a sa balia de Visintini (8-4) e Guadalupi preguntat su timeout. Sas biancasblue metzorant e apparinant a 11.
Tando incomintzant a guidare gratzias a sa giogada de segunda de Bridi (12-11). Ruttu su bilanciamentu a detzidere su set bi pensat Gannar, chi ponet a terra duos ace unu fatu a s’àteru e permitit a Hermaea de bolare a su +5 (22-17). Su sestetto de Ghibaudi si torrat a pesare cun tres puntos ma in su finale bessit inforas sa balia de Bulaich, capatza de ammuntonare cussos puntos chi gighent a su 2-0 in su contu (25-20).
Colada sa tuccada connotta de Montale, Hermaea si leat luego s’inertzia de su terzu partziale cun Bulaich, chi faghet sa ‘oghe russa (8-5 e timeout Ghibaudi). Sas istrantzas fuint attesu (23-16 cun su servitziu vintzente de Miilen), poi si bendent cara sa vida gratzias a Zojzi pro tzedere a sa fine subra su primo tempo de Tajè e sa faddina de Fronza (25-19).
Mastru Dino Guadalupi – “Pro nois contaiat pius su resultadu de sa proa – ispiegat – duncas amus cojuadu bene ambas, gioghende una de sas metzus garas de s’annada. Fato sos complimentos a s’iscuadra pro comente at leadu s’impignu, siat mentale che tecnicu. Amus devidu giogare semper a livellu altu meda pro resessire a binchere Montale. Sa gara cun Lecco? No b’at isterrida pronta: nos semus solu allenende cun profitu. S’animu est bonu meda comente bidu in sas urtimas bessidas. Como ischimus ite potimus faghere, si giogamus cun balia e continuidade, gasì comente ischimus e potimus”.
Hermaea Olbia-Emilbronzo 2000 Montale 3-0 (26-24; 25-20; 25-19)
Hermaea Olbia: Bridi 4, Schirò 11, M soiilen 13, Bulaich 14, Gannar 9, Tajè 6, Barbagallo L1, Fontemaggi, Messaggi ne, Diagne ne, Bresciani ne. All.: Guadalupi.
Emilbronzo 2000 Montale: Lancellotti 2, Visintini 11, Zojzi 12, Frangipane 6, Fronza 8, Rossi 4, Bici L1, Bonato, Bozzoli, Montagnani, Mammini ne. All.: Ghibaudi.
Arbitri: Nava e Lentini
Traduzione di Mario Bua Capitta
