Primu puntu in sa segunda fàse pro sas sardas, binchidas a su tie break dae Talmassons, in s’urtima gara intro ‘ domo de s’annada
L’Hermaea Olbia saludat sa tzente sua in su Geopalace, achivende su primu puntu in sa Pool Promozione de sa Serie A2 de sas Feminas.
Sas biancasblue si la giogant, a mamentos bene meda puru, còntra Cda Talmassons, iscuadra galu in gara pro bintrare in sos playoff, e carignant pro meda tempus sa binchida. A sa fine però si sunt bidas coladas dae sas friulanas a su tie break (25-22; 21-25; 25-20; 13-25; 12-15 sos partziales).
No sunt abbastados sos 22 puntos de Miilen e sos 20 de Bulaich, tando a s’àter’ala ant fatu sa ‘oghe russa Milana (27), Taborelli e Rossetto (17 ambas).
Sa perdida (sae battor in ateretantas garas de sa segunda fàse) no at arruinadu sa festa de tanta tzente accudida a su campu, pro applaudire sas àbbilas de Taulara, pro totu su chi ant fatu cust’annu intro ‘e domo.
SA GARA – Bona sa tuccada de s’Hermaea, chi guidat a s’incomintzu de su primu set (8-5 cun s’atacu in pipe de Bulaich). Talmassons pianu, pianu s’isprendet, bintrat in partida e apparinat A 15 cun su paloneto postu a terra dae Taborelli. Sa gara sighit tando puntu còntra a puntu, pustis sas olbiesas agatant s’atza ‘ona e bolant a 19-17 cunsitzende gasì su timeout a Barbieri. Sa binchida creschet gratzias a s’ace de Miilen, cando sa Cda suerat a donare unu cabu. Su primu tempo vintzente de Gannar balet tando sa boccia set, Eze Blessing annullat sa prima proa, pustis Miilen agatat su mani out chi balet su 25-22 finale.
Sa furriada de Talmassons torrat luego in su segundu set (5-1 e timeout Guadalupi). Sas olbiesas ponent tando remediu cun su muru de Tajè subra su paloneto de Taborelli (8 paris), pustis si che colant 12-11 gratzias a un’ateru muru vintzente cumpridu dae Miilen. Sas friulanas abberint tando s’arrejinu e torrant a che colare sas sardas (18-15). Guadalupi mintet Fontemaggi in logu de Messaggi comente opposto e proat cun bonu curagiu a si la giogare, Talmassons però a sa fine ‘e su set no donat pius nudda e apparinat su contu 25-21, pustis de su muru de Milana subra Fontemaggi.
Su bilanciamentu dominat puru sa tuccada de su terzu set, cun sas iscuadras chi caminant umpare. Sa prima fùida de sas istrantzas giompet a su 16-12 cun su diagonale de Milana. Hermaea ponet Bresciani in regia e s’acurtziat a -1 cun Bulaich mai binchida (19-18) fatende oriolare Barbieri. Su bonu mamentiu de sas olbiesas no ispònnet gasì: Tajè ponet a terra s’ace de su paregiu, pustis Fontemaggi mujat sas manos de su muru, colendesinde innanti. Su sestetto de Guadalupi no perdet pius pèrunu colpu e tancat cun meritu 25-20 torrende innanti in su contu de sos set.
Sas istrantzas tuccant metzus in su cuartu set (12-5 subra sa parallela de Taborelli). S’Hermaea penat a agatare su cabu e perdet tretu mannu in su puntegiu (19-7). Torrant in campu Bridi cun Messaggi, ma no mudant se destinu: Talmassons sighit cun balia e che trazat sa gara su tie break (25-13 fat a sa faddina in sa bàttida de Messaggi).
In su cuintu set finale Talmassons fuit bene dae incomintzu: su primu tempo de Caneva balet luego su +4 (7-3). Sas biancasblue perdent balia e no resessint a ponnere fatu a su tempus de sas friulanas (-5), pustis torrant a aberrere sa gara giompende a su -1 gratzias a Bulaich chi bogat s’atza sua. Barbieri ponet mediu e coladu su timeout sas suas no faddint pius: Milana achivit sa prima boccia match, Gannar annullat sa prima, Fontemaggi sa segunda, ma sa terza proa donat frutu a sas istrantzas (fast vintzente de Caneva pro su 15-12).
Dino Guadalupi, mastru de s’Hermaea Olbia: “Quando sems rutos, amus penadu a ponnere boccia a terra. In su cuartu set sa bona bàttida issoro nos at custrintu a giogare còntra su muru scontadu perdende gasì sa possibilidade de che colare innanti cun sos puntos. Dolu mannu, Fit istada una bella cosa de binchere in domo una gara pagu fatzile abberu. Fato sos cumplimentos mios a Talmassons, ca in caminu ant ischidu accontzare barriu pro nos podere pustis oriolare cun sa proa de s’attacu. A sas ultimas duas garas de s’annada pregunto sa creschida desitzada. Semus semper metzorende, in meda cosas, comente sa personalidade, ma a bortas perdimus unidade in sa tribulia. Amus a sighire semper sa chirca de unu bonu cabu”.
Leonardo Barbieri, mastru de Cda Talmassons: “Ischiamus bene ite nos isetaiat oe in Olbia. A un’ala bi fimus nois cun meda de ite perdere, a s’atera un’Hermaea chi potiat giogare cun conca libera e serena, animada solu dae su desitzu de bene figurare. Sa còntra at fatu bene meda e deo so ispantadu dae su cabu mentale donadu dae sas nostras, in cara a sos problemas postos. Amus fatu carchi faddina tecnica, subra totu a incomintzu, cando no amus praticadu cantu proadu pro su muru defesa. S’Hermaea tando nod at trampadu, ma andat bene gasì. Duos puntos meritados”.
Ulrike Bridi, palleggiatrice de s’Hermaea Olbia: “Dolu mannu, amus desitzadu de binchere s’urtima partida in domo, de sa Pool Promozione. Custu puntu balet oro, ca connoschimus su valore de sas iscuadras chi amus abbojadu. Abbarrat sa cuntentesa pro su cabu de sa tzente: bellu est’istadu a giogare innanti a sa passione issoro. Ringratzio meda pro su curagiu donadu. In sas urtimas duas garas amus a ponnere in campu totu cussu chi potimus”.
VOLLEY HERMAEA OLBIA – CDA TALMASSONS 2-3 (25-22 21-25 25-20 13-25 12-15)
VOLLEY HERMAEA OLBIA: Bridi 1, Bulaich Simian 20, Gannar 15, Messaggi 4, Miilen 22, Taje’ 4, Barbagallo (L), Fontemaggi 3, Bresciani. Non entrate: Diagne, Piras (L), Schiro’, Nieddu. All. Guadalupi.
CDA TALMASSONS: Rossetto 17, Costantini 5, Eze Blessing 7, Milana 27, Caneva 10, Taborelli 17, De Nardi (L), Crisafulli 1, Trampus. Non entrate: Campagnolo, Michelini, Monaco (L), Tognini. All. Barbieri.
ARBITRI: Scotti, Marconi.
NOTE – Durata set: 24′, 25′, 26′, 22′, 18′; Tot: 115′.
MVP: Milana.
Ufficio Stampa
Volley Hermaea Olbia
