Sas Biancasblue perdent sa segunda gara de sa Pool Promotzione de Serie A2: a San Bonifacio isponet 3-1
Un’àtera bona proa no abbastat a s’Hermaea Olbia, chi cumandat su primu set in domo de s’Ipag Sorelle Ramonda Montecchio, ma pustis li toccat de s’arrendere in battor set (15-25; 25-20; 25-23; 25-15). Abbarrat sa proa balente de sas biancasblue, capatzas de torrare donzi colpu pro meda tempus, a cussa ch’est una contra de primu livellu.
Top scorer Bulaich cun 18 puntos. Bona sa proa de Messaggi (14).
SA GARA – Galu chena Schirò, semper frimma pro infortuniu, Hermaea tuccat bene meda. Su sestetto de Guadalupi giogat bene sa bàttida e a muru, in pius potet faghere profitu de sa distributzione manna de Bridi. Innantis dae s’incomintzu, cun vantaggi fintzas a 10 puntos, sas àbbilas de Taulara no suerant gasi meda pro resessire a tancare su set, 25-13.
In su segundu game giompet s’isetada furriada in giogu de s’iscuadra veneta, che metzorat sa bàttida a muru e bolat subra su 16-9 cun Tanase, a guidare in sa mesania bi pensant Barbazeni e Mazzon. Hermaea, tando proat cun sa panchina e resessit a s’accurtziare fintzas a su -2 (22-20) gratzias a sa tuccada de Messaggi. A sa fine, però, l’agabbant sas meres de domo, (25-20), chi apparinant su contu.
Hermaea torrat bene in campu in su terzu set e guidat pro meda tempus, gratzia a unu servitziu semper perigulosu e unu contrattacco balente. Montecchio no est cumbinchida però e s’accurtziat a su bilanciamentu. Su rush finale donat premiu a sas meres de domo, chi agatant su 25-23 finale gratzias puru a una dubitòsa faddina in attacu in attacu, atrivida a Miilen.
Su bilanciamentu sighit puru a incomintzu de su cuartu set,cun sas iscuadras chi si torrant donzi colpu e apparinant a cuota 15. Pustis sas sardas pianghent unu mamentu pagu lughente, nodida ruet sa recetzione. Montecchio profitat lestra e si che colat, gitende a domo sua sa binchida intrea.
“Semus tuccados bene meda abberu – cummentat mastru Dino Guadalupi – in su primu set tutu est andadu comente desitzadu. Amus praticadu una bona proa, chi forsis at abucallotadu sa contra, pius de totu in sa bàttida. Tando amus balantzadu animu, chi nos at permissu, de agabbare su primu set chena penare meda. Isetaiamus sa furriada de Montecchioemmo, in su segundu set e gasì est’istadu. Issas ant accontzadu sa fase muro, sa defesa e arriscadu pius pagu in attacu. Nois amus penadu in sa fase break, pustis amus remuntadu puru ‘ene ma no est abbastadu. Sa faddina bera l’amus fata in su terzu set ajuende gasì sa furriada de Montecchio cun gurpa de sa paga pretzisione nostra. Faddinas c’ant donadu animu a sa contra. A sighire amus agatadu su giogu nostru ma no est abbastadu e a tancare su primu set no nos at ajuadu. In s’ultimu set amus proadu a remediare individualmente. Sas faddinas de sas nostras nos ant iscontzu s’atza e sa fiducia e nos semus lassados ruere. Cust’at abbertu sa janna a sa binchida issoro. Abbarrat sa cuntentesa pro aere donadu pensamentos pesudos a una contra forte meda. Montecchio s’est adattada a sas variatziones nostras. In custu potimus metzorare nois puru e sas partidas c’abbarrant nos ant a donare unu cabu”.
Ipag Sorelle Ramonda Montecchio-Hermaea Olbia 3-1 (15-25; 25-20; 25-23; 25-15)
Ipag Sorelle Ramonda Montecchio: Maggipinto, Franzolini L, Muraro 1, Cometti 1, Barbazeni 3, Bartolucci, Mazzon 15, Marconato 10, Malvicini 4, Angelina 12, Tanase 22, Esposito, Nardelli, Brandi. Allenatore: Sinibaldi
Hermaea Olbia: Messaggi 14, Fontemaggi, Miilen 12, Gannar 6, Diagne, Bulaich 18, Bridi 1, Bresciani, Tajè 7, Barbagallo L. Allenatore Guadalupi
Arbitri: Cecconato e Di Lorenzoiada
Ufficio Stampa
Volley Hermaea Olbia
