Tratzadas dae sa bàlia de Adriano (25 puntos),sas àbbilas de Taulara che colant in battor set sa Trasporti Bressan
A sa cuinta proa, s’Hermaea si pesat e giompet sa prima binchida de s’annada in s’A2 de sas feminas. Tratzadas dae s’atza de Virginia Adriano, sas biancasblue binchent in battor set, contra Trasporti Bressan Offanengo (25-18, 25-23, 22-25, 25-14 ) e giompent a sue 4 puntos in sa classifica.
SA GARA – Detzisas a torrare a si pesare a sa bolare, pustis de battor rutas, sas àbbilas de Taulara leant s’inertzia de su primu set, subra su 13-8 e cumandant fintzas a sa fine, gherrende cun bàlia e personalidade, subra sa furriada de sa contra giompidas a su -3 (18-15). A donare su set a sas sardas, at ajuadu s’intrada a servitziu de Parise, chi lampatat a terra s’ace de su 25-18.
Su segundu set, bene bilanciadu a incomintzu, at bidu sa fùa de s’Hermaea a +4 (18-14), gratzias a una faddina de sa contra cun Sironi. Ma Offanendo torrat a mintzidiare sas olbiesas e si che colat 22-21, cun Trevisan. Cumpridu su timeout de mastru Guadalupi, sas herminas torrant a agatare sa tramas de giogu e achivint su 2-0 in contu de puntos, ajuadas dae su duende de Adriano.
Ma sa Trasporti Bressan no est cuncorda ( mancat sa malaida De Paula), e mancari tuccada male, a incomintzu de su terzu (luego, luego 4-1), leat animu e s’accurtziat in contu de set (25-22).
In su cuartu game però, s’Hermaea li bogat de cabu: s’ace de Gannar ajuat una fùa nòa, (13-8), pustis Adriano torrat a magheddare che in su segundu set, tando pro Offanengo no b’at pius nudda de ite faghere. Sa faddina in su servitziu de Tajè, balet su 25-14 finale e donat a sas isolanas sa prima binchida prena de s’annada.
SU CUMMENTU- “S’isterrida est ist’istada franca meda”, narat Mastru Guadalupi, “amus tribagliadu tot’umpare , chirchende metzoru in donzi contivitzu de su giogu e su esultadu s’est bidu. Como chi est como sas iscuadras ruent unu pagu totu, toccat de ‘idere comente nos pesamus infatu, sa faddina est semper complicada. Si caminamus cun su frenu a manu tiradu, tando no accoglimus nudda. Cando nos semus libberados dae custu pesu, tando sa calidade nosta est pigada a pizu. Deviamus bene comprendere dae inue tuccare. Oe puru amus apidu mamentos de càlu, inue amus penadu pro sas faddinas. Devimus galu imparare a tancare, ma dae inoghe potimus tuccare pro achivire metzoria”.
Mario Bua Capitta di Amistade
