Sas hermeinas binchent in tres set e giompent a su sestu logu a dolu mannu de Albese, chi perdet in domo contr’à su Sassuolo
Hermaea che colat sa contra a s’urtima curva, e su sabore est durche che mele. Sa metzus Hermaea fora ‘e domo de totu su campionadu binchet cun autoridade in su taraflex dell’Oro Cash Lecco (3 set a 0, 25-20, 25-22, 25-16 sos partziales) e achivit su sestu logu, chi abberit sa janna a sa Poule Promotzione. Colada a sa fine Albese, binchida a su tie break dae su Sassuolo.
Sa segunda binchida attesu dae su Geopalace est accudida a cumprimentu de una gara balente abberu pro sas àbbilas de Taulara, chi ant’agatadu s’animu eretu chena pasu.
In sa proa manna comuna est pigada a pizu Bulaich (top scorer con 14 punti), ma unu mentovu tocat puru a sa palleggiatrice Bridi, meda detzisiva pius de totu in su segundu set.
SA GARA – Tuccat bene s’Hermaea, chi cun su muru de Schirò subra Zingaro agatat luego su +3. Lecco bintrat in sa gara e si che colat 10-8 cun su muru de Tresoldi subra Miilen. Guadalupi preguntat su timeout, sas suas achivint sos problemas de su match e torrant innanti, profitende de sa faddina de Bracchi (13-12). Zingaro chircat de tennere su tempus de s’Hermaea, chi si leat s’inertzia cun Miilen e pustis bolat a +5 cun su block out de Bulaich pro su 23-18. S’Oro Cash bi proat, ma Schirò, in diagonale, si leat sa boccia set cun Bulaich e cumprit s’opera cund’unu pallonetto galanu chi balet su 25-22.
Bene bilanciadu incomintzat su segundu set. Tando bi pensat Bridi, chi cund’una proa manna in sa bàttida, si leat duos ace, unu fatu a s’àteru e ajuat gasì sas biancasblue a fùire subra su 18-14. Lecco no s’arrendet e torrat a su -1, ma ancora Bridi guidat cun personalidade sas suas: prima punit una mala ricetzione cun su puntu de su 22-19, pustis achivit sa prima boccia set con una bella agatada de segunda. Sa faddina dae sos noe metros de Lecco, tando ajuat a isponnere pro s’Hermaea, chi faghet 2-0 in su contu.
Su terzu game sighit semper sa matessi isterrida: a incomintzu, ambas sunt a si la dare, pustis su servitziu vintzente de Gannar donat s’inertzia a sas àbbilas de Taulara. Mastru Milano chircat remediu, ma Lecco perdet pretzisione e animu, suta sos colpos chena pasu de s’Hermaea, chi fùit fintzas a +8 (20-12) cun Bulaich sa pius balente. Sas lombardas no resessint a frimmare sa balia de sas sardas, chi guidant e cumprint sa binchida manna 25-16.
Isposta sa gara tutu s’attacant a s’ismartphone pro iscurtare umpare su cummentu a sa gara tra Albese e Sassuolo: cando sas emilianas ponnent a terra su 27-25, tando incomintzat sa festa manna: sa remuntada est giompida! Colados sos playoff de s’annu passadu, Hermaea torrat in Poule Promotzione e ponet in casciaforte su deretu de giogare in A2 pro su decimu annu, unu fatu a s’àteru.
SU CUMMENTU – Mastru Dino Guadalupi non resessit a cuare unu pagu de commotzione pro s’impresa manna: “Dae foras andat male a comprendere ite cheret narrere, – cummentat – sa Poule Promozione fit su zèlu nostru, ma no est istadu fatzile ca sas iscuadras fortes fuint medas. Nos l’amus giogada a s’urtima die e sas piseddas l’ant intrepetada bene meda. So cuntentu pro s’assotziu ca custu traguardu est de importu mannu abberu. Su tribagliu at donadu bonos frutos, puru cun sufferentzia, ca amus patidu mamentos de difficultade manna resessende a nos torrare a pesare sempera sa ritza bene meda. Oe nos godimus sa festa manna, cras potimus pensare a sa Poule Promozione”.
Oro Cash Lecco-Hermaea Olbia 0-3 (20-25; 22-25; 16-25)
Oro Cash Lecco: Zingaro 5, Rocca L, Marmen 2, Bracchi 14, Lancini 2, Casari, Albano 3, Tresoldi 5, Bassi, Citterio, Belloni, Piacentini 9, Bonvicini L, Rimoldi. All.: Milano
Hermaea Olbia: Schirò 6, Messaggi, Fontemaggi, Miilen 9, Gannar 8, Diagne, Bulaich 14, Bridi 7, Bresciani, Tajè 10, Barbagallo L. All.: Gudalupi
Arbitri: Di Bari e Chiriatti
Mario Bua Capitta di Amistade
