Sas biancasblue binchidas in battor set còntra a sas romagnolas bene traztadas dae Ortolani
Atera ruta pro s’Hermaea. San Giovanni in Marignano che colat in battor set e ch pigat a su cabu ‘e subra de sa classifica, de su girone B.
S’iscuadra sarda abbarrat a cuota 10, settimu logu de sa Poule Salvezza, tenta como dae Offanengo. 25-13, 22-25, 25-17 e 22-23, sunt sos partziales.
Sas istrantzas cumandant su primu set e che lu tratzant a domo issoro, profitende de sa vena negativa de sas sardas, chi in su segundu set bogant atza noa e puru pèrdende 16-19 resessint a che colare in cumandu, a lu tancare in favore. S’Omag-MT torrat a tuccare ‘ene in su terzu set, fuende dae incomintzu. Gasì comente capitadu in su segundu, Olbia la gherrat bene contra sas piseddas de Bertini e resessit a apparinare a 11, ma sas piseddas lombardas cuntzant su set a sa prima de sette boccias set. Pagu mudat s’isterrida in su cuartu: Ortolani e cumpantzas tuccant bene meda cun duos puntos, unu fatu a s’àteru, sas piseddas de Guadalupi furriant donzi colpu, giompende puru a tres puntos in pius (6-3), sena resessire a impedire sa perdida a su fotofinish siat de su partziale che de sa gara, innanti a un’iscuadra cun balia e animu in custu mamentu sunt pius pesudos.
Su cummentu de Mastru Guadalupi: “ Oe amus fatu metzus de sas urtimas duas garas, amus bidu nodinos sinnos de metzoru, in cunfrontu a Macerata e Mondovì, garas inue no semus mancu falados in campu. Oe, colada sa mala tuccada de su primu set, amus accontzadu barriu, sena resessire a completare su tribagliu, ca sa còntra potet contare subra giogadoras de balia manna e meda esperientzia, giogadoras chi resessint a giogare comente iscuadra, tando nois perdimus sa conca e nde pagamus su contu. A mamentos sa defesa at fatu penare cando toccaiat de murare sos attaccos issoro, agatadu su remediu no semus però resessidos a fraigare comente aimus devidu faghere, perdidas in sas boccias lènas. S’ajudu de Partenio? potet battire sa balia connotta ma puru s’esperientzia bìsontzada pro donare continuidade. Como a Cremona? Como chi est como no b’at pius garas de pagu impignu, subra e totu cando mancant tzertas cosas. Tando toccat de achivire pius balia e puru fide noa”.
