Sa biancasblue perdent in su PalaManera pustis de una lutta chena lacanas aggabbada solu a su cuintu set
Su campionadu isponet inoghe, ma Hermaea Olbia no perdet s’onore. In su PalaManera, bessit a pizu,nodidu su coro mannu de sa sardas, chi si la giogant cun balia fintzas a s’urtima boccia, contr’a un’iscuadraafata e pensada pro atteru zèlu.Custa orta su tie break at donadu sa rejone a sa Lpm Mondovì, chi s’est cualificada pro su cuartu de finale,cun custos partziales ( 22-25, 25-20, 18-8).Mele ranchidu in domo Hermaea, delusione ma puru orgogliu mannu pro unu resultadu ch’at a abbarrarein s’istoria de su club. SA GARA – Mondovi cunfidat in Cumino in diagonale paris cun Taborelli, Hardeman e Trevisan (a postu de Populini, cun su denuju malevadadu dae gara 2) in logu 4, Montani e Molinaro in sa mesania, cun Bisconti libero. Pro sas abbilas bi sunt Allasia a su palleggiu, Renieri a sa contra, Miilen e Maruotti in banda, Barbazeni e Gerosa in sa mesania, libero est Caforio. Hermaea bintrat in partida cun animu lebiu, passadas sa primas giogaia s’agat in cumandu de tres puntos(8-5). Sa meres de doma proant a no si lassare affundare e resessint a apparinare a sue 20, ma a sa finebinched sa balia de sa abbilas: Renieri che tratzat sa cumpantzas fintzas a aggabbare su primu set 25-22.Mondovi torrat in campu attediada e si che colat luego a 14-9, cun s’ajudu mannu de Taborelli. Sas olbiesasproant sa resistentzia, tando sa puminas bogant tota sa balia issoro e sunt malas a parare (20-13). Guadalupi proponet Formaggio in logu de Miilen e Severin pro Allasia. Sa hermeninas resessint aaccurtziare fintzas a -4. Pustis a su timeout preguntadu dae Solforati, Mondovì donat su cabu: Molinaro infast si leat sa boccia set e Taborelli tancat 25-10, apparinende su contu.Sa balia de sa Lpm sighit bene puru in su terzu set, abbaradu a -4 (12-8) e su mastru sardu devet impitare su primu timeout. Mondovì como lassat pagu e nudda a sa contra, gratzias a una bona fase muru edefesa, chi mantenet umpare sa briglias de su giogu, fuende subra su 18-12. Pro cantu Hermaea ruet in saretzida e nd’est pesat sa bandela bianca de sa resa, poi de aere annulladu sas primas duas boccias set a sacontra (25-17 pustis sa faddina de Maruotti). Sas herminas torrant a pesare sa carena a incomintzu de su cuartu partziale(6-2) cun muru vintzente de Renieri). A Mondovi toccat como de ponnes fatu, fintzas a giompere a su -2(12-10), ma su sesteto de Guadalupi profitat de sa defesa galana de sa capitana Caforio, pro che furriare insegus sa proa ( 19-14 e tempus preguntadu dae Solforati). S’attacu a sa mesania dolet meda a sa monregalesas, chi patint sa baliade Barbazeni e s’agatant coladas, mancari Taborelli fatet (25-19).In su set de ispareggiu s’Lpm tuccat a razzu e fuit a 5-1 cun Hardeman. Sas isolanas sighint a luttare cun curaggiu, fintzas a giompere a su -1 a poi de su timeout Guadalupi, ma mudende campu est innanti s’iscuadra piemontesa (8-6). A sa fine Hermaea torrat a patire in sa retzida e gasì isponet sa benzina. Mondovi profitat e c’aggabbat sa gara (15-8).“ Oe cheriamus riscattare sa proa pagu cumbinchida de merculis – cummentat mastru Guadalupi – amus postu a currere balia e contivitzu pro su giogu ‘e iscuadra. Mondovi at bogadu a pizu balia e esperientzia insu tie break, lassende pagu logu a su cabu nostru. Namus puru chi bidu dae su contivitzu tecnicu, pagu balets’analisi, su desitzu de faghere est’istadu mannu aberu e abbarrat chena mancare sa delusione pro no essere resessidos a gighere innanti custa cumpantzia galana. Su caminu nostru at donadu meda ischire tecnicu, morale e emotivu. Nos amus leadu pius de carchi cuntentu binchende contr’a iscuadras bene connottas. Semus rutos e torrados a pesare, cun sa cumpantzia semper pronta a luttare, ind’unu campionadu resu curiosu dae sos tempos pressados. Oe abbarrat sa coscentzia de unu tribagliu bene fatu e de aere perdidu contr’a un’iscuadra pius forte de nois”.
A cura di Mario Bua Capitta
