Sas biancasblue binchent cun autoridàde e mantènnent s’imbinchibilidàde intro ‘e domo
No bi potiat essere istada metzus tuccada pro s’Hermaea Olbia,chi bogat a pizu una proa lughente e che colat Chromavis Eco DB Offanengo in tres set, in su segundu turnu de s’annada pro s’A2 de sas feminas.
Pustis de unu primu set bene sestadu (binchidu 25-22), sas àbbilas de Taulara ant leadu nodidu cumandu de su giogu, in su segundu e terzu set (25-14 e 25-15), cumprende gasì sa settima binchida de s’annada, chi permitit como de giompere a 19 puntos e mantennere s’imbinchibilidàde intro ‘e domo.
SA GARA – S’Hermaea tuccat cun sa diagonale Bridi-Schirò, Bulaich e Miilen in banda, Gannar e Tajè in sa mesania e Barbagallo libero. Offanengo, accudida in Sardigna cun bonu animu, pustis de duas binchidas, una fatu a s’àtera, si presentat cun Galletti in diagonale, Martinelli, Bartesaghi e s’ex Trevisan in logu 4, Anello e Cattaneo in sa mesania, libero est Porzio.
Pustis de una prima tuccada bene bilanciada, s’Hermaea fuit innanti de 4 puntos (14-10), oriolende Bolzoni. Offanengo torrat a in gara cun unu break de 3 puntos e ponet fatu a onzi proa de fùa de sas biancasblue.Paret fata cando giompet su 23-19 (attacu out de Bartesaghi), ma sas istrantzas agatant tando alenu nou e torrant a -1 un’àtera orta. Guadalupi preguntat de faeddare cun sas suas, chi torrant in campu e agabbant su set,gratzias a duas diagonales galanas de Bulaich.
In su segundu set Hermaea leat luego nodidu cumandu, gratzias a una battidura balente e a una bona fase muro, bene sestada. Offanendo benit tando doppiada (12-6 pustis s’ace de Bridi). Su mastru istrantzu impitat puru sa panchina, ma no resessit a ponnere mediu a su cumandu se sas sardas, chi giompent puru a su +12 subra su 22-12 e si leant sa prima boccia set cun su muru galanu de capitana Tajè subra Trevisan (24-12). Offanendo remediat sas primas duas proas, ma pustis est custrinta a sa resa (25-14).
In su contivitzu de su terzu set Bulaich donat su +3 (8-5). Bolzoni seberat su timeout, ma sa resistentzia de sas suas ruet: su muru vintzente de Schirò subra Bartesaghi balet su +9, pustis s’Hermaea bolat chena oriolu mannu a su concuìstu de sa binchida manna, 25-15 gratzias a s’attacu vintzente de Schirò.
SU CUMMENTU- “Amus tribagliadu sa gara a sa matessi manera comente proada prima ‘e giogare – cummentat mastru Dino Guadalupi – sas cosas sunt andadas bene meda, a incomintzare dae su muru e dae sa battidura. S’imbinchibilidàde intro ‘e domo? De seguru su campu nostru nos ajuat meda. Ma cando giogamus foras, campu e rete sunt sa matessi cosa. Amus solu unu pagu ‘e curaggiu in mancu chi nos donat sa tzente. Devimus bidere solu su giogu nostru e torrare a sa bona lena bida oe pro agattare s’animu preguntadu.Oe Offanendo at proadu a nos oriolare in ricezione a a bortas b’est resessida, pustis a fortza de arriscare ant cummitidu meda faddinas. Amus galu metzoru de giompere, ma a parte su primu set, devo narrere chi potimus essere contento de sa proa”.
Hermaea Olbia-Chromavis Eco Db Offanengo 3-0 (25-22; 25-14; 25-15)
Hermaea Olbia: Messaggi, Fontemaggi, Miilen 8, Gannar 3, Diagne, Bulaich 12, Bridi 4, Bresciani, Tajè 9, Barbagallo L, Schirò 13. Allenatore: Guadalupi
Chromavis Eco Db Offanengo: Cattaneo 2, Tommasini, I. Anello, Martinelli 8, L. Anello 5, Marchesi, Menegaldo 3, Trevisan 10, Porzio L, Galletti, Bartesaghi 7, Casarotti. Allenatore: Bolzoni
Arbitri: Salvati e Faia
Traduzione a cura di Mario Bua Capitta di Amistade
