Sapadu ranchidu pro s’iscuadra olbiesa, chi perdet s’anticipu de de s’ottava gara de sa furriada, contr’a Marsala

Semper isse, su cuintu set che furat dae manos una binchida chi pariat achivida, e s’Hermaea Olbia ingullit ranchidu. Nudda de ite faghere pro sas olbiesas, binchidas intro ‘e domo dae Sigel Marsala in s’ottava  gara de sa furriada de sa Serie A2. Una partida nada male, accontzada e pustis guidada cun passu vintzente ch’at ammuntonadu su 25-11 de su terzu set. A sa fine però, s’energia est bennida mancu e su sestetto di Guadalupi s’est devidu accontentare de unu puntu solu.

SA GARA – Ambas iscuadras seberadas comente connottu narat pro ambos assotzios: Guadalupi seberat Allasia in diagonale paris cun Renieri, Maruotti e Miilen in banda, Gerosa e Barbazeni in sa mesania e Caforio libero. Pro Marsala invece giogant Scacchetti a su palleggiu, Okenwa opposta, Pistolesi e Ristori in logu 4, Parini e D’Este in mesania, Gamba libero.

Sa istrantzas tuccant metzus, con su lungolinea de Okenwa chi balet su 5-2. S’Hermaea torrat in paris gratzias a su muru de Barbazeni, ma pustis devet torrare a ponnere fatu. Subra su 15-12 pro Marsala, Guadalupi si leat su primu timeout, ma s’inertzia abbarrat bene in manos de sas sitzilianas, chi guidadas dae Pistolesi si che gighent an’domo su set 25-20.

Sa riscossa de sas abbìlotas no si faghet isetare meda: s’ace de Gerosa truvat sas olbiesas a +7 (15-8) e faghet oriolare Bracci. Cando torrant in campu Marsala tribulat sa ricezione de Maruotti, e su vantagiu torrat insegus a battor. S’Hermaea, però, agatat balia e giogu e a sa fine che pigat a pizu: s’ace di Maruotti abberit sa janna a su (22-17), pustis sa faddina in battuda de D’Este cumprit sos contos in paris (25-19).

Chena istoria sa terza gara, cun sas hermeinas chi cumandant donzi contivitzu, fintzas a giompere a su 15-3. No b’at mediu contr’a sos atacos balentes de Miilen, Renieri e Maruotti, e s’arrendent a unu 25-11 chi lassat chena paraulas.

Tando sa binchida paret cosa fata pro sas sardas, chi però ruent in istrachesa e torrant a sa tribulia. Sigel cumandat pro bona parte de su set. S’Hermaea cheret torrare in partida cando Maruotti sinnat su -1, ma Pistolesi e Okenwa leant a manu tenta sas lilibetanas e las tratzant a su cuintu set (25-19).

In sa gherra finale s’Hermaea mantenent fintzas a s’8 paris, ma sas ancas sunt bellas pesudas e Pistolesi, no si potet pius parare e ajuat a balantzare sos puntos de sa binchida marsalesa (15-11).

“Est istada una gara cun duas caras divessas – cummentat mastru Dino Guadalupi – a incomintzu amus intesu s’importu mannu de sa gara. Semus istados timende in sa battida, cando s’idea fit de atacare luego cun su servitziu. Gasì nos amus complicadu sa vida ajuende s’ischire de sa contra. Cando amus sestadu sa fase muro, sa difesa e puru sa battida, Marsala tando at perdidu identidade, ruende in paritzas faddinas, gratzias a sa balia nostra puru. In su mamentu inue aimus devidu resistere pro nos gighere an’domo sa binchida nos est mancadu s’ischire de s’aggabbadora. No semus galu seguros cun sa custante reistentziale e cando mancat s’atacu, tando patimus puru cun su muru de sa defesa. Sa contra est torrada in partida, puru gratzias a su calu nostru. Como nos isetat un’atera chida de tribagliu in sa chirca de metzoru, chena pensare tropu a su passadu”.

VOLLEY HERMAEA OLBIA – SIGEL MARSALA VOLLEY 2-3 (20-25 25-19 25-11 19-25 11-15) – VOLLEY HERMAEA OLBIA: Miilen 11, Barbazeni 9, Renieri 18, Maruotti 17, Gerosa 7, Allasia 1, Caforio (L), Formaggio, Severin. Non entrate: Babatunde, Minarelli. All. Guadalupi. SIGEL MARSALA VOLLEY: Ristori 10, Deste 9, Scacchetti 2, Pistolesi 26, Parini 14, Okenwa 16, Gamba (L), Patti 1, Ferraro. All. Bracci. ARBITRI: Nava, Mazzara’. NOTE – Durata set: 23′, 23′, 18′, 25′, 15′; Tot: 104′.

 

Ufficio Stampa

Volley Hermaea Olbia

A cura di Mario Bua Capitta