Sas sardas, chena Babatunde, pagu potent contr’a sa balia de Mondovi, ruent gasì in tres set in su
Geopalace
Passada sa proa manna de Mondovì, accudit puru su sero de immentigare pro Hermaea Olbia, binchida in
tres set dae sa Lpm, in sa segunda gara de sos ottavos de finale. Sa abbilas – chena Babatunde,leada male dae unu problema a su meniscu – no sunt resessidas a parare sa balia de sas piemontesas, chi ant binchidu in manera nodida donzi partziale, trazendeche sa serie A sa gara 3
in su PalaManera.
SU CONTADU – S’Hermaea tuccat cun sa diagonale Allasia-Renieri, Maruotti e Miilen in logu 4, Gerosa e
Barbazeni in sa mesania, Caforio libera. Pro Solforati giogant Cumino a su palleggiu, Taborelli a sa contra, Hardeman e Populini in banda, Molinari e Montani in sa mesania. Libera est Bisconti. Mondovi fuit luego dae s’incomintzu: Taborelli doppiat s’Hermaea 8-4 e cunsitzat su primu timeout a mastru Guadalupi. Sa olbiesas parent presas e no resessint a rupire inintro a sa gara. Populini profittat pro che colare
a 12-5. S’animu de Renieri no abbastat: sa monregalesas giogant cun balia superiore e tancant subra su 25- 12, pustis de s’attacu out de Maruotti. Pagu est istadu su metzoru pro sas isolanas in su segundu set: Mondovi est abbarrada semper in sa punta e su tribagliu, defendende cun balia e fuende attesu, pro binchere gasì su game, 25-14. Cun su terzu set Hermaea achivid un’atzigu de bilanciamentu, fintzas a che colare sa contra 3-2, solu cando s’allumat su geniu de Miilen. Solforati si leat tando su timeout e sa suas torrant a faghere giogu
coment’ischint, apparinende su contu a 6. Sa rujasblue denvent tando faghere sos contos cun s’infortuniu capitadu a Populini, chi ruet male subra su denuju de manca. Sa malasorte no frimmat però sa balia monregalese, chi ponnent s’ex Trevisan in banda e pianu, pianu si che istejant, aggabbende sa pratica cund’unu 25-17 finale. Ass’Hermaea ateru no abbarrat che a mudare traggiu innanti possibile pro resessire a torrare a cantu amus connottu dominiga passada. S’abboju est pro su 26 de Martu.
A cura di Mario Bua Capitta
