Olbiesas binchidas in tres set dae sa Tecnoteam Albese Como in sa gara bona pro accudire a sa zona Poule Promotzione
Torrat a s’isola dae continente, galu chèna nudda s’Hermaea Olbia, binchida in tres set dae sa Tecnoteam Albese Como, in sa gara chi donat bisu a sa Poule Promotzione de sa Serie A2 de sas feminas. In su taraflex lombardu, sas àbbilas de Taulara sunt resessidas a oriolare sa contra, solu in su segundu set, gerradu puntu a puntu dae s’incomintzu, fintzas a cando una suspetta faddina arbitrale at mudadu s’ecuilibriu (25-22 pro Albese). Nodidas invece, sa binchida de s’icuadra de Chiappafreddo, in su primu e terzu partziale, ispostos a 25-12 e 25-15.
Detzisivu pro sa Tecnoteam, sunt sos 21 puntos de s’ischitzaboccia Nardo, pro s’Hermaea no sunt bastados sos 12 puntos de Bulaich.
Sa perdida no aggabat s’isperu de giompere a su sestu postu pro sas olbiesas, chi como devent però averiguare insegus, inue accudint Lecco, Cremona e Como, a unu solu puntu de distantziamentu.
SA GARA – Guadalupi torrat a agattare Miilen, chi benit’impitada in su starting six cun Bridi, Schirò, Bulaich, Tajè e Gannar e Barbagallo libero. Como s’opponet cun Nicolini a su palleggiu, Conti opposto, Nardo e Cassemiro in banda, Badini e Veneriano in sa mesania, libero est Rolando.
Tuccada detzisa pro sas meres de domo, chi cun Nardo agattant su mani out de su 5-2. L’Hermaea suerat a bintrare in gara, tando Conti printat su +4 (7-3) chi cuntzitzat a Guadalupi a pregustare su tempus pro sa prima ‘orta. Como, però, sighit a metzorare totu sos fundamentos e doppiat sas gadduresas subra su 12-6. Su mastru hermeinu seberat su cambiu de diagonale (Bresciani e Messaggi bintrant in logu de Bridi e Schirò), ma sa cosa sighint a peorare: su sestetto de Chiappafreddo bolat a +10 (16-6) e pustis regulat su giogu chena rischiare, fintzas a su 25-12 finale, postu a terra dae Badini.
Sas olbiesas agatant atza in su segundu set, bilanciadu fintzas a cuota 12. Pustis sa Tecnoteam bogat balia e giompet a su +3 profittende de su diagonale out de Schirò. Guadalupi ch’imbolat in mesu sa centrale Diagne,inlogu de Gannar e custu metzorat s’animu de s’iscuadra , bona a apparinare a 17 gratzias a unu block out agattadu dae Miilen. Pustis de su timeout de Chiappafreddo, sa gara che colat dae puntu a puntu, agabbadu dae un’itrepeu dubiu de sos arbitros: dae su 22 paris, detzisu a incomintzu dae su primu arbitru, mudat a su 23-21 pro sas lombardas, cun segnor Lorenzin chi guidicat foras una diagonale istrinta de sas biancasblue, fatu a sa protesta de sa panchina de domo. Como, duncas, si leat su tempus e tancat su set tratzada semper dae Nardo (25-22).
La Tecnoteam ponet a frutu sa bona energia ammuntonada, pro tuccare bene in su terzu game (luego 7-2 cun sa brasiliana Cassemiro protagonista manna). Fontemaggi leat su logu de Miilen, ma Albese sighit a fuire (12-5). In campu torramus a bidere puru sa diagonale Bresciani-Messaggi, che ajuant sas biancasblue a abbarrare in partita subra su 14-10. A sa fine però pigat a pizu sa balia de sas lombardas, che pianu pianu si che istejant (ace de Conti pro su 23-13) e si leant sos tres puntos pustis de su servitziu out de Diagne pro su 25-15.
Delùsu mastru Guadalupi: “Abbiamo fatu male sin donzi contivintzu. Sa contra at giogadu ‘ene, ma nois nos semus perdidos dae s’incomintzu in sas cosas minores. Amus semper donadu s’impressione de ponnere fatu chena aere su tempus pro faghere su giogu nostru. In su segundu set semus resessidos a metzorare unu pagu, comente sa pesada de ricostrutzione o sos tempos a muru e in attacu, pustis sa giamada “corretta” dae sos arbitros nos at unu pagu penalitzadu. In su contivitzu mi so un’atzigu attediadu pruite su primu arbitru pariat meda seguru de su giuditziu sou, mudadu dae su segundu arbitru c’at insistidu, paris cun sa panchina de su Como. A donzi modu no nde faghimus una chistione. Antzis, naro chi no potet andare ‘ene de perdere animu cando capiat gasì. No potimus faghere affidu subra sa bona sorte: si amus giogadu male pro duos set devimus solu preguntare pruite a nois matessi. S’isterrida de su terzu no est andadu ‘ene e sa contra at prifitadu de s’animu nostru, pagu balente. Torramus a commentare una partida in terra antzena, chi nos at bidu gioghende, nervosas e orioladas”.
Como nos tocat de cambiare registru: “ Lu torro a narrere ancora una ‘orta: s’atza cheret semper mantesa. Deo mi leo sa responsabilidade mia, su matessi devet faghere s’iscuadra. Amus a proare a risetare, gasì comente fatu in ateros mamentos. No b’at tempus pro pianghere: già dae Merculis potimus mudare traggiu, in sa chirca de sa balia perdida”.
Subra sa classifica: “Sos contos si faghent a sa fine. No potimus drommire subra su sestu postu, né nos lassare assuconare ca b’at iscuadras chi nos sighint dae accurtzu a minetta. Sa Poule Promotzione andat meritada. Tra bene e male semus galu incue e no la potimus giogare, solu si tribagliamus pro mantennere bia tota sa partida però e no solu sa meidade”.
Tecnoteam Albese Como-Hermaea Olbia 3-0 (25-12; 25-22; 25-15)
Tecnoteam Albese Como: Veneriano 6, Conti 12, Rolando L, Pinto, Badini 5, Cassemiro 7, Stroppa, Gallizioli, Cantaluppi 1, Nicoli, Nicolini 6, Nardo 21, Radice. Allenatore: Mauro Chiappafreddo
Hermaea Olbia: Tajè, Barbagallo L, Bresciani, Bridi 4, Bulaich 12, Diagne 1, Gannar 4, Miilen 2, Fontemaggi 3, Messaggi 4, Schirò 7. Allenatore: Dino Guadalupi
Arbitri: Chiriatti e Lorenzin
Traduzione a cura di Mario Bua Capitta
