2021/2022In sarduS’Hermaea no morit mai: remuntada e binchida a Busto Arsizio, de iscasciare!

29/11/2021

Poddadas male in sos primos duos set, sas àbbilas si pesant a bolare e balantzant duos puntos pretziosos

 

Un’attera die de ammentare. Mujada sa prima de sa classe San Giovanni in Marignano, sas abbilas de Taulara bolant semper pius in altu e tenent una preda galana, comente sa Futura Giovani Busto Arsizio, colada in manera e no crere, in su taraflex de Castellanza.

Binchidas chen’iscampu in sos primos duos set, sas olbiesas pariant acurtzu a una perdida mala, ma cando pustis ant bogadu a fora sa balia connota, tando totu est mudadu, tramunende gasi intro a una binchida noa a su tie break, sa cuinta de s’istagione.  Top scorer Maruotti, giompida a 17 puntos, ma s’Hermaea tota at donadu cunferma de sa creschida manna de sos ultimos tempos. 

SA GARA – Mastru Guadalupi proponet s’istarting six bene proadu cun Allasia in sa regia, Renieri a postu, Barbazeni e Babatunde in sa mesania, Maruotti e Miilen in logu 4 e Caforio libero. Busto Arsizio seberat invece Demichelis in diagonale cun Bici, Angelina e Biganzoli in banda, Casillo e Sartori in sa mesania, sa libero est Garzonio.

Sa tuccada no est de sas pius lughentes e perdende 5-2, Guadalupi devet preguntare su primu timeout. Ma sas cosas no metzorant meda, sos ace de Angelina e Bici carrant su dopiu de sos puntos a sa Futura Giovani, 14-7. Sas meres de domo tenent meda altu su tempus de sa bàttida e sa distanzia creschent fintzas a su +10 Busto (19-9). Guadalupi proat a donare fortza a su ritzevidore, mintende Formaggio in logu de Maruotti, ma sa musica no cambiat meda e s’iscuadra de Lucchini tancat sos contos 25-12, cun su block out agatadu dae Bici.

Pius gherradu, ma solu a s’incomintzu, su segundu set, cun s’Hermaea chi si faghet a bidere metzus a muru e che colat sa contra 8-7. Furriadas in partida, sas biancasblue comintzant a tribulare sa contra issoro, gratzias a una defesa perriconchina. Angelina e cumpantzas tando mudant su tempus e cun su se servitziu vintzente (paris cun sa bona sorte) de Sartori torrant a guidare 17-13. Sas cosas peorant cun su pallonetto faddidu dae Maruotti e Guadalupi chircat su mediu torrende a imbiare Formaggio in campu. Sas isolanas perdent s’animu de incomintzu set, e perdent terrinu fintzas a sa resa finale de su set, accabbadu 25-16, cun meda faddinas, una fat’a s’attera.

In su terzu set s’Hermaea si torrat a pesare a sa ritza, fintzas a giompere a su +3 (8-5 e timeout de Lucchini). Busto sighit a gherrare fintzas a furriare in paris a cuota 11, cund’una diagonale de Bici. Su cuntendère curret umpare, cun sas iscuadras chi guidant borta a pare. Cando s’Hermaea colat a 19-18, gratzia a sa post’in terra de Miilen, Lucchini preguntat consitzu, donat lughe a sas sardas, chi li ‘ogant de cabu pustis a s’invasione de sas lombardas (23-20), chi pustis s’acurtzian unu pagu in su contu set, cun sa faddina in sa bàttida de Biganzoli (25-21).

Agatadu s’animu giustu, sas biancasblue tuccant a tota fua in su cuartu partziale (subitu 5-0 cun ace de Miilen). Sa Futura Giovani proat a s’ischidare e balantzat su -2 (8-6), ma s’Hermaea godit de sa fromma de Babatunde, chi cun duos ace vintzentes, unu fatu a s’ateru, giompet a +5. S’inertzia de su match ruet semper de pius in manos a sa àbbilas nostras, bonas a che doppiare sa contra 14-7 (puntu a muru de Barbazeni). Lucchini las proat totu pro ischidare s’animu de sas suas, ma in campu bi sunt solu sas olbiesas, chi doppiant sas lombardas(20-10, diagonale de Maruotti), pustis malantzant unu meritadu tie break, gratzias a su puntu finale de Babatunde dae sa linea de sos 9 metros.

In su cuintu set sa bocia si faghet pesuda meda, ma no pro s’Hermaea, chi faghet fruttare s’onda ‘ona e si che colat luego a 5-3, gratzias a unu de sos tantos muro punto. Busto bi proat a abbarrare fatu, ma a su cambiu de campu est galu in coa de 3 puntos 8-5 (faddina de Sartori a su servitziu).

Caforio e cumpantzas cumprint s’atacu chi detzidit cund’unu +5 (12-7), cun sa bocia fata falare dae Renieri, a compimentu de una giogada longa meda. Sas lombardas no agant pius sa fortza pro furriare in giogu, tando Maruotti si leat sa prima match ball, pustis de sa faddina de Angelina, est festa manna, pro sa binchida pius curiosa de s’istagione.

Est istada una partida cun duas caras – cummentat su presidente de s’Hermaea Gianni Sarti – sos primos duos set si los at giogados Busto, iscuadra forte meda, pensada pro che pigare de categoria. In su segundu set amus proadu a nos pesare, ma no fimus galu cumbinchidos e no bi l’amus fata. Dae su terzu in fatu, amus comintzadu a chreschere umpare, tantu chi no isco narrere, chie tiad poder’essere istadu sa metzus in campu. Apo ‘idu sa defesa manna de Caforio e s’atacu galanu de totu sas atteras. Apo ‘idu Miilen ischitzare sa bocia, cund’una balia diffitzile de bidere puru in A1. Sa partida est istada preparada bene meda e a l’aere binchida, contr’a un’iscuadra chi costat su dopiu de sa nostra, nos carrat cuntentesa manna a beru. Duos puntos a Busto Arsizio no fint de ponnere in contu, naro però de abbarrare umiles e bidere comente si ponet su tempus bennidore”.

SEGUICI SUI SOCIAL

Non perdere nemmeno una news sul mondo #HermaeaFamily, seguici sui social!

BIGLIETTERIA ONLINE

Acquista comodamente in formato digitale i tuoi biglietti per le partite della Serie A!
https://www.hermaeavolley.it/wp-content/uploads/2018/09/fila_blu__hermaeavolley_web-1.jpg

Instagram

This error message is only visible to WordPress admins

Error: API requests are being delayed for this account. New posts will not be retrieved.

Log in as an administrator and view the Instagram Feed settings page for more details.

LVF TV

Archivi notizie

Privacy Policy

Cookie Policy

Volley Hermaea Olbia, Partita Iva 01720590908 - Lega Volley Femminile Serie A