2021/2022In sarduS’Hermaea ruet in domo de sa Banca Valsabbina Millenium Brescia

01/11/2021

Sas lombardas, favoridas pro che pigare in sa serie superiore, donant valore a su connotu issoro e binchent in tres set

 

Prima perdida pro s’Hermaea Olbia, chi in su PalaGeorge de Brescia ruet in tres set contr’a sa Banca Valsabbina Millenium, in su cuartu turnu de su campionadu de A2 Femmininu. Nudda ‘e ite faghere duncas, pro sas ses feminas de Guadalupi, chi bene ant mantesu in su primu set, prima ‘e si devere arrendere a su podere de sas meres de domo, contr’a un’iscuadra fraigada pro che torrare in sa serie superiore.

De annotare sa mancantzia de sa capitana e liberu titolare Giorgia Caforio pro infortuniu, Silvia Formaggio nd’at leadu su logu. Sas gadduresas ant a proare sa riscossa merculis sero a Golfo Aranci, cando restzint visita dae sas istrantzas de sa neopromossa Assitec Sant’Elia, istruidas dae s’ex mastru Emiliano Giandomenico.

Sa Gara – S’Hermaea si presentat a su PalaGeorge cun Allasia in diagonale paris cun Renieri, Babatunde e Barbazeni in sa mesania, Miilen e Maruotti in su logu 4, liberu est Formaggio. Su Brescia invece ponet Morello a su pallegiu, Bianchini contra, Ciarrochi e Fondriest in sa mesania, Cvetnic e Tanase in banda, Scognamiglio liberu. Sa tucada est in bonu ecuilibriu, ambas iscuadras current paris fintzas a livellu ses, pustis s’Hermaea – chena perunu timore – faghet frutare su geniu de Renieri, balanzende duos puntos de vantagiu (9-7). Sas lombardas pero ‘attint luego su puntegiu in paris e proant a fuire 18-15, cun mastru Guadalupi chi preguntat su timeout e ponet Gerosa in logu de Barbazeni. Sas ‘leonessas’ sighint a currere balentes e cun un ace de Cvetnic ( meda detzisiva in sa battuta ) balantzant fintzas su +5. Finende su set, sa preittia abbarrat in manu a sas meres de domo, chi tancant su contu in su 25-19 gratzias a su fast de Fondriest.

Meda complicadu s’incomintzu de su segundu set pro sas acuilotas biancasblu, luego perdentes, suta 5-1 cun su servitziu binchente de Tanase. Pustis de su timeout preguntadu dae Guadalupi s’Hermaea s’acontzat a muru e furat carchi puntu in pius a sa contra, chi potet contare subra sa balentia de Cvetnic e fuint atesu fintzas a giompere su 12-6. Su mastru olbiesu chircat su mediu in sa panchina, ponzende Severin a cumandare su giogu, cun Fezzi e Minarelli in sa banda e gasi carchi sinnu de metzoru incomintzat a s’idere (-3 in su 17-14 cund’una invetione de Severin ). Su servitziu de su Brescia no si potet parare, no perdet sos iscambios chi contant e pianu a pianu fuit atesu, fintzas a agabbare sa cuntesa 25-15 pustis a un atacu out de Babatunde.

Metzorat s’ecuilibru in sa terza parte de su giogu, cun sa isolanas chi sighint sas ‘leonessas’ fintzas a che las colare 13-12. Tando su mastru lombardu Beltrami giamat sas giogadoras de s’iscuadra sua pro giarire sas ideas, issas resessint gasi a torrare a leare in man’issoro sas briglias de su match e a domare sa resistentzia de s’Hermaea, binchida 25-17 cun su puntu finale printadu dae Bartesaghi.

In sa mesania de su primu set amus tribagliadu cun ordine, sighende in sa pratica su pianu de sa partida“. Cummentat su mastru de s’Hermaea Dino Guadalupi, “in cussu mamentu amus dadu su 100%, donende su metzus de sa capatzidade nostra, como. In s’ater’oru b’aiat un’iscuadra manna cun meda esperientzia, ch’at comintzadu a mudare sos colpos est tando chi sunt pigadas a pizu sas mantzas nostras. Aimus potidu faghere metzus. Su campionadu de A2?
L’apo agatadu meda mudadu, in cunfrontu a duos annos faghet – assummat – b’at meda giogadoras noas e creo chi su livellu de su girone nostru abbaidat in altu“.

 

Mario Bua di Amistade

SEGUICI SUI SOCIAL

Non perdere nemmeno una news sul mondo #HermaeaFamily, seguici sui social!

BIGLIETTERIA ONLINE

Acquista comodamente in formato digitale i tuoi biglietti per le partite della Serie A!
https://www.hermaeavolley.it/wp-content/uploads/2018/09/fila_blu__hermaeavolley_web-1.jpg

Instagram

Archivi notizie

Privacy Policy

Cookie Policy

Volley Hermaea Olbia, Partita Iva 01720590908 - Lega Volley Femminile Serie A