Un’Hermaea galana impònet sa prima frimmada a sa Sorelle Romanda Montecchio. S’iscuadra de Guadalupi balantzat sa binchida in battor set (26-28, 25-17, 25-22, e 25-23), pustis de una gara galana.
Tuccada unu pagu contrariada pro s’iscuadra sarda, chi gasì comente contr’à Melendugno, est istada capatza de gighere su partziale a sos vantaggi, tratzados a domo dae sas istrantzas, cand’est colada sa sesta boccia set (26-28). Dae incue infàtu, pagas faddinas pro Olbia chi cumandat su segundu set, incomintzadu bene meda, gratzias puru a sa bàttida pagu balente de sas venetas (25-17 ). S’isterrida de su terzu set est guasi pretzisa a cussa de su segundu : sas sardas giompent leugo a su +6, pustis Montecchio iscuadra manna connotta, torrat in cumandu (22-20). Su timeout de Mastru Guadalupi assestat sos contos e s’Hermaea cun su servitziu de Adriano accontzat su controbreak e si gighet a 2-1. In su partziale chi cuntzat sa partida, sas àbbilas de Taulara potent contare in sa die ‘ona, inue praticant su controllu, fùint attesu e tribagliant bene subra s’avantagiamentu, ponende gasì in bertula, cun meritu mannu, set e game.
“S’Hermaea pius balente de s’annada? Creo propriu chi emmo, amus giogadu cun balia, resessende gasì a oriolare sa contra, limitende-ne sa fortza manna issoro. Amus rupidu bene meda su timout. Meritu se su Mastru? Su meritu est semper de totu, sas gurpas solu de su mastru ( risigheddu…). So meda cuntentu de su caminu chi semus fatende, comente iscuadra noa, oe amus bidu Atza e atentzione cun continuidade. Como contat de creschere s’animu, bidu chi nos tocat luego una contra comentente Macerata, forte cantu cussa de oe”.
