Binchere cun balia, oe cheret narrere comintzare bene s’istajone.
Hermaea Olbia che sighit sa Seap Dalli Cardillo Aragona e remonit sos primos duos puntos de su campionato de seria A2 Femminile.
Su giogu mustrat duas caras divessas pro sas piseddas gadduresas, binchidas in sos primos duos set, ma capatzes de una reatzione de caratere pro resessire a sa fine a binchere sa partita, cun s’animu gerradore.
Sofia Renieri, cun 21 puntos est istada sa metzus marcatrice, ma unu ajudu mannu ant donadu sos 18 puntos de Babatunde, semper pronta a detzidere dae su muru.
Sa Cumpetizione – Su primu sestetto de s’istajone de Mastru Dino Guadalupi est cumpostu dae Allasia a su pallegiu, Renieri contras, Miilen e Maruotti in sa banda, Barbazeni e Babatunde in mesania. Su liberu est Formaggio chi leat su logu de s’infortunada Caforio.
Aragona rispondet cun Caracuta in sa diagonale cun Stival, Dzakovic e moneta in sa banda, Cometti e Negri in mesania e Vittorio libera. Si tuccat cun meda faddinas dae ambas partes gulpa de s’emotzione de s’incomintzu.
Pustis de sas primas proas, che pigat a pizu su valore de Stival, chi cumandat sa prima fuida siciliana in su 12-8. S’Hermea si riscatat cun su muru binchente de Renieri chi permitit de giompere a su -1 (13-12), ma mancat de continuidade. Sa Seap nd’aprofitat pro ammuntonare unu vantagiu de 4 puntos, chi muntenet fintzas a sa fine.
S’atacu out de Maruotti, frimmat su puntegiu de su primu set, in su 25-20 pro sas istrantzas.
In sa segunda parte sa partida si faghet in pigada pro sas olbiesas, gratzias a su muru de Cometti, chi donat su +4(7-3) e custringhet Guadalupi a su timeout. Su mastru de s’Hermea seberat su cambiu in banda, cun Fezzi chi leat su logu de Miilen.
S’ischitzadora lumbarda, resessit a donare linfa noa a sa biancabiaitas, chi si riscatant giompende sa cuota 12. Sa preittia de sa cumpetitzione, colat su cumandu in manos de sas hermainas, chi passant cun sos puntos de Babatunde e Maruotti.
S’illusione durat pagu tempus: Aragona s’aunit e agatat luego su modu de torrare a guidare cun sa solita Stival.
Sa centrale Cometti si leat sa bocia set, sfrutada a sa prima proa dae sa montenegrina Dzakovic pro unu nou 25-20 pro Aragona.
Palas a muru, sas biancasbiaitas, agatant sa balia pro su riscatu in su terzu set, guidadu cun autoridade dae sas primas battugheres (10-7 e timeout Micoli).
Sas sicilianas perdent gasi sa balia de s’incomintzu e scradiant in segus cun sos puntos.
In su campu agat logu fintzas sa ex Zonta, giamada pro donare pasu a Stival. S’Hermea pero, at pius energia como e bolat a subra 24-17. Aragona chircat s’orgogliu e ch’annullat sa bellesa de 5 bocias set, ma a sa fine si devet arrendere contra a su primu tempus perfetu de Babatunde, chi balet su 25-21, finale.
Balantzada piena fiducia, como su sestesto isolanu, tucat a sa manera manna, in sa cuarta parte de giogu, cun Renieri chi che tratzat sas suas verso su 6-2. Caracuta e cumpantzas, perdent isperiu, ma in su longu sighire in fatus, assuconant unu pagu sas piseddas olbiesas, paregendelis sae 20.
In su puntu contra a puntu finale, tando leant su cumandu Renieri e Miilen, capatzes de puntos pesudos. Micoli no bi la faghet a animare su riscatu e tando s’atacu out de Stival permitit a s’Hermea de paregiare su contu set e furriare su giuditziu finale a su tie break (25-21).
Sa Seap est ferida in s’orgogliu e proat a si riscatare, a s’incomintzu de su cuintu set, balantzende unu +3 (7-4).
Sas Hermeninas como bi crerent e giompene sas aversarias a cuota 9. Renieri resessit a che las colare, pustis assopruit s’ace de Gerosa pro s’11-9. Aragona bi torrat a proare, ma su finale est totu sinnadu Olbia: su puntu finale lu faghet Miilen, chi cumpletat su recuperu e donat a s’Hermea sa prima binchida de su torneo.
“Est istada una partida cun duas caras divessas“, narat mastru Dino Guadalupi, “nos mantenimus custa binchida, chi a s’incomintzu fimus perdende, pro nois est meda pretziosa meda. Ischiamus dae prima, chi sa parte emotiva aiat potidu giogare una parte, no de pagu contu e difatis s’incomintzu no pariat sintzeru, pro ambas partes. Pustis semus resessidos a faghes frutare totu du chi potimus veramente. S’iscuadra at bogadu sa balia, acontzende s’ischire e sa capatzidade nostra, contra a un’aversariu, de valore mannu. Est istadu un’esperimentu ch’at a donare cunsitzu a su metzoru de su tempus bennidore“.
Mario Bua, Amistade Circolo di Lingua e Cultura Sarda
