2021/2022In sarduSerie ASu geniu ‘e s’Hermaea si che trazat Mondovì e jumpat vintzente sa prima gara de playoff

22/03/2022

S’alenu finale che dispaciat Lpm. Merculis sa serie sighit in su Geopalace

Metzus no potiat tuccare su caminu in su playoff de sa serie A2 de sas feminas, pro s’Hermaea Olbia.

Cun una proa de gabbale, sas abbilas de Taulara si giogant a su tie break su taraflex de PalaManera de Mondovì e truvant innanti in sa prima serie.

Sa biancasblue sunt istadas capatzes  de si che colare a incomintzu, binchende  su primu set 25-14. Tando sas meres de domo si sunt luego riscattadas, cun su segundu e terzu set, 25-20 e 25-15 unu fatu a s’ateru. Su caminu pariat gasi abbertu a sa binchida de sa monregalesas, chi pustis ant devidu faghere sos contos cun sa balia de sas sardas, capaztas de una remuntada galana (25-18 e 15-5 in su cuintu set ).

SA GARA – Guadalupi torrat a agatare Babatunde in su sesteto connottu, cumpridu dae Allasia a su palleggiu Renieri a sa contra, Miilen e Maruotti in logu 4,Barbazeni in sa mesania e Caforio libero.

Mondovi  bi la furriat cun Cumino in diagonale, Taborelli , Hardeman e Populini in banda, Molinari e Montani in sa mesania, Bisconti libero.

Hermaea tuccant cumbichidas. Sa biancasblue tribulant sa meres de domo in sa retzida e fuint luego 5-1, cunsitzende Solforati a giamare su primu timeout. Sa monregalesas ponent s’ex Trevisan in logu de Hardeman, ma Hermaea sighit a ispinghere, ajuadas dae un’abbatigada balente de Renieri, chi permitit de giompere a su 13-2.

Hermaea sighit a sa moda sua, chena sinnos de resa e aggabbat 25-14, chena tribulare pius de tantu, pustis de s’attacu out de Taborelli.

Sas Abbilas rupint bene fintzas in su segundu set , printende su +3 (5-2) cun Maruotti in evidenzia. Mandovi balanzat meda cun s’intrada de Trevisan, chi ajuat a accontzare sa retzida e agatare animu a sa suas. S’ace de Montani balet s’apparinada  a 6, pustis s’attacu in fast de Molinaro donat a sa piemontesas sa prima fuida innanti. Tando s’iscuadra de Solforati no abbaidat pius insegus e fuit a su 16-12. Guadalupi ponnet Formaggio in banda e Severin  in regia, ma sas meres mantenent su cumandu de su set. Su servitziu vintzente de Minarelli ajuat Hermaea a si torrare a pesare (23-20), ma Montani lassat pagu iscampu e apparinat so contos (25-15).

Sa furriada hermeina, guidada dae Renieri, no si faghet isetare meda e giompet a su 4-1, cund’una bella diagonale. Mondovi proat su recuperu, fintzas a giomper a su -1, ma sa biancasblue no s’assuconant pius de tantu e bogant a pizu unu break nou una fuida noa, chi cun s’ace de Allasia giompet a su 14-9. Tando sa piemontesas  abbarrant in sas trampas, ma che torrant a ruere insegus dae sa fua de sa sardas: Barbazeni e e Babatunde guidant sa cursa finale, Mondovi no resessit a las parare e che devet pesare sa bandela bianca. Cund’unu pallonetto de segunda, Allasia si leat sa boccia set, fata fruttare a sa segunda proa in rete de Taborelli (25-18).

Su sestetto de Guadalpi sighit a bentulare in su cuintu set: Maruotti cund’unu lungo linea,giompet a su 6-2 e faghet oriolare Solforati. Mondovi torrat a s’affidare a Hardeman, ma s’americana no potet pius parare sas olbiesas, chi chena faddire pius nudda si che fuint. Sa faddina de Hardeman matessi balet su 15-5 finale, c’abberit sa janna a sa festa biancablue.

Merculis sa serie tramunat a su Geopalace, cun Caforio e cumpantzas, chi bi cherent torrare a proare, cun s’isperu de resessire a che colare a so cuartos de finale playoff.

“Est istada una partida cun duas caras – ispiegat mastru Guadalupi – l’amus gita an’domo revessende unu contivitzu complicadu. Semus tuccados bene meda, lassende sa contra abucallotada dae sa fase break de incomintzu. Pustis mondovi est torrada bene in partida miminende su rischiu, faddende pagu e seberende cun sabiesa sos colpos. In cussos mamentos amus tribuladu meda in donzi repartu, pustis semus istados bonos a torrare a agatare identidade e balia. Semus meda orgogliosos abberu, como pensamus a nos pasare ‘ene, ca su tie break est istadu una bella fadiga. Amus a preparare cantu metzus potimus sa gara de merculis, cherimus proare a contrariare cun sa costantzia, sa calidade manna de Mondovi”.

Meda cuntentu su presidente Gianni Sarti “Est istada una binchida manna” – cummentat – custu no nos devet dare a conca. Ischimus bene cust’est sa prima parte de sa serie. Mi auguro de bidere tzente meda in su campu pro sa gara 2. Oe – narat bugliende – potimus narrere chi sas abbilas de Taulara ant apidu pius famine de sas puminas”.

 

A cura di Mario Bua Capitta

SEGUICI SUI SOCIAL

Non perdere nemmeno una news sul mondo #HermaeaFamily, seguici sui social!

BIGLIETTERIA ONLINE

Acquista comodamente in formato digitale i tuoi biglietti per le partite della Serie A!
https://www.hermaeavolley.it/wp-content/uploads/2018/09/fila_blu__hermaeavolley_web-1.jpg

Instagram

This error message is only visible to WordPress admins

Error: API requests are being delayed for this account. New posts will not be retrieved.

Log in as an administrator and view the Instagram Feed settings page for more details.

Archivi notizie

Privacy Policy

Cookie Policy

Volley Hermaea Olbia, Partita Iva 01720590908 - Lega Volley Femminile Serie A