2022/2023In sarduSerie ASuper Hermaea! In su Geopalace ruet fintzas Cremona

19/01/2023
Ottava binchida in su campionadu pro sas biancasblue, chi che colant s’Esperiain in battor set e mantennent s’imbinchibilidade intro ‘e domo

Binchet, cumbinchet, partida e sorte puru, chi intro at devidu faghere a mancu de Miilen pro s’infortùniu apidu intro ‘e chida. Sa lègge de su Geopalace no lassat iscampu mancu a su s’Esperia Cremona, binchida in battor set dae Hermaea Olbia in su cuartu turnu de sa furriada de sa Serie A2 de sas Femminas.

Una binchida pesuda pro sas àbbilas de Taulara, giompida a sa fine de una gara de importu mannu, pro podere achivire sa premiassione. Como sos puntos in classifica faghent 22, cando isetamus un’atera gara intro ‘e domo, dominiga chi benit contra su Sassuolo.

In una proa de balia manna, sa gemma est’istada Daniela Bulaich, chi mancari patende dolore a su cambùtzu, procuradu in s’allenamentu de Martis passadu, at fatu in manera de sinnare 24 puntos. De bantare sas proas de Schirò (18), Tajè (13) e de Fontemaggi, capatza de donare impressu bonu in sa prima gara intrea giogada comente titulare in logu de Miilen. A Cremona, semper combattente e bene in gara, no sunt bastados sos 16 puntos de Rossini e sos 15 de s’estone Kadi Kullerkann.

SA GARA – Hermaea si presentat cun Bridi a su palleggio, Schirò opposto, Tajè e Gannar in sa mesania, Bulaich e Fontemaggi in logu 4 e Barbagallo libero. Pro Cremona, invece, b’est Balconati in diagonale cun Kadi Kullerkann, Rossini e Buffo in banda, Liis Kullerkann e Ferrarini in sa mesania, libero est Zampedri.

S’incomintzu ajuat su bonumore de sas istrantzas, capatzes de ammuntonare vantagiu subra s’8-4 chi cunsitzat a Guadalupi de preguntare tempus. Hermaea torrat tando in gara, apparinende cun s’attacu in fast de Tajè e pustis colendesichet 12-11 gratzias a su muru vintzente subra s’attacu de Buffo. Duos ace unu fat a s’ateru de Bridi, ant permissu sa fuìda subra su +4 (19-15), ma s’Esperia no est mai cumbinchida e recuperat fintzas a -1 (20-19) prima de sa gara finale chi premiat sas sardas, trazadas verso su 25-20 finale dae sa balia manna de  Bulaich.

In su segundu set sas grogasblue che colant derettas ( prima 8-5 e pustis 12-8). Hermaea s’accurtziat ma no resessit a las tennere, tando sas lombardas – animadas dae s’intrada de  Mennecozzi – defendent su vantagiu achividu pro podere pustis fùire gratzias a sas giogadas vintzentes de Buffo e Kadi Kullerkann. Una faddina in sa battidura de sas meres de domo gighet a s’apparinada, in contu de (25-18).

Su sestetto de mastru Magri, tuccat bene meda fintzas in su terzu set (11-7), pustis sas àbbilas de Taulara  leant in manu issoro sa gara: sa faddina de Buffo balet s’11 paris, pustis Bulaich, in diagonale, sinnat su vantagiu nou. Hermaea agatat su tempus sou e paret capatza de fùire (Schirò sinnat su 20-17), ma Rossini torrat su colpu e torra a su 20 paris, gratzias unu pallonetto. Guadalupi resessit a donare curagiu a sas suas: Fontemaggi donat cumandu de puntos e pustis Bulaich l’aggabat 25-23.

A caddu a s’entusiasmu, sas hermainas giogant bene meda su cuartu partziale (luego a +6 subra su 9-3). Unu frusciu giudicadu male faghet abbetiare sa banda de sa contra Rossini, punida tando cun su pabiru rùju. Sas olbiesas tenent controllu fintzas a su 17-12, pustis Cremona recuperat e torrat a abberrere sa gara subra su 19 paris. Una bona proa in sa battidura de Bresciani, però, donat animu  a sas cumpantzas, che torrant a cumandare cun duos attacos bene fatos de de Schirò e si leant tando sa prima boccia match subra su 24-21 con unu lungolinea de Tajè. Cremona aggabat sa prima proa, ma sa faddina in su servitziu de sa centrale Landucci isponet sa gara e donat a s’Hermaea s’ottava binchida de s’annada.

SOS CUMMENTOS – “S’icuadra at giogadu bene meda tota sa partida, a parte pagos mamentos inue sa calidade tecnica est unu pagu deruta, a un’ala e a s’àtera – cummentat mastru Guadalupi – ma s’schit chi in custas garas de importu gasi mannu,sa tensione che pigat a pizu e tando no si potet pedire una boccia a bolu semper neta. So cuntentu meda de su tzelu mentale e s’unidade posta in campu. Sas piseddas desitzaiant forte su resultadu e ant luttadu meda pro l’achivire”.

“Ischiamus bene de sa difficultade de sa gara contr’a un’iscuadra chi in domo sua no s’arrendet mai, – narat sa libero de Cremona Zampedri – b’amus proadu de onzi manera e a bortas semus resessidadas a giogare bene meda. Potimus galu metzorare. Su resultadu a narrere su beru, pagu nos premiat”.

Hermaea Olbia-Esperia Cremona 3-1 (25-20; 18-25; 25-23; 25-22)

Hermaea: Messaggi, Fontemaggi 6, Gannar 8, Diagne, Bulaich 24, Bridi 6, Bresciani, Tajè 13, Barbagallo L, Schirò 18. Allenatore Guadalupi

Esperia: K. Kullerkann 15, Balconati 1, Giacomello, L. Kullerkann 5, Rossini 16, Ferrarini 8, Piovesan, Coppi, Landucci 2, Mennecozzi 5, Buffo 14, Zampedri L. Allenatore Magri

Arbitri: Galteri e Oranelli

Traduzione: Mario Bua Capitta di Amistade

SEGUICI SUI SOCIAL

Non perdere nemmeno una news sul mondo #HermaeaFamily, seguici sui social!

BIGLIETTERIA ONLINE

Acquista comodamente in formato digitale i tuoi biglietti per le partite della Serie A!
https://www.hermaeavolley.it/wp-content/uploads/2018/09/fila_blu__hermaeavolley_web-1.jpg

Instagram

Archivi notizie

Privacy Policy

Cookie Policy

Volley Hermaea Olbia, Partita Iva 01720590908 - Lega Volley Femminile Serie A