Sa binchida de Altino contr’a su Ravenna permitit su de jumpare a sa post season
Cando pagu bi pensas e mancu l’isetas, Hermaea Olbia jumpat in intro e balantzat se deretu a si giogare sos playoff de su campionadu de Serie A2 de sas Feminas. Custa est sa segunda orta chi capitat, in 8 anni de presentzia in sa serie A italiana.
Gratzias a sa binchida (sa prima in su campionadu) giompida a borta ‘e die dae Altino subra Ravenna, sas abbilas de Taulara si qualificant cun proa matematica a sa post season, chena devere abbaidare a ite faghent in s’urtimu recuperu, merculis Marsala e San Giovanni in Marignano.
“Amus cumpridu su desitzu nostru – cummentat su presidente de s’Hermaea Gianni Sarti – s’iscuadra, s’assotziu, umpare a su personale tecnicu meritaiant custu premiu e gasì bi semus giompidos. Metzus, no nos fimus potidos intendere.
Altino no aiat potidu seberare atteru contivitzu, pro buffare a sa salude de sa prima binchida in Serie A: “che cheriant chena pasu colare su zero in sa classifica issoro – narat su printzipale biancublue – proende bi fint dae meda tempus. Oe ant giogadu una partida meravitzosa meritende sa binchida. Donamus a issos so Complimentos mannos nostros”.
A sa fine su Covid est istadu ‘democraticu’: “Ravenna at pagadu sa frimmada oe, devidat a sa positividade – ispiegat – gasì comente nois amus devidu pagare a su cabu ‘e s’annu, perdende in caminu puntos a bitzef. A sa fine su carru s’est accontzu unu pagu pro totus”.
Como capitat unu playoff de si giogare garrigos de bon’animu e cun sa conca libbera.
Sa contra at a essere una tra Talmassons e Mondovì. Tuccamus sa chida ch’intrat: “Torro a narrere chi s’Hermaea si meritaiat custu tot’intreu – sighit – amus giogadu una bella pallavolo ajuende s’incomintzu de piseddas meda in sa categoria. A bennartzu amus patidu su Covid, chi nos at allentadu caminu e balia, chena cussu, a so playoff bi fimus potidos giompere carchi die innanti. A s’iscuadra como pregunto sa chirca de sa cuntentesa, de si la giocare lebias, mustrare tota sa balentia issoro, chena timire sa fama de sas iscuadras pius connottas. Su desitzu nostru est cumpridu, totu cussu chi amus a achivire in caminu, at a essere balantzu netu”.
A cura di Mario Bua Capitta
