Fàmine catzadu in s’ottava die de su campionadu in su campu de Montecchio dae s’Hermaea Olbia. Semper còntra Montecchio s’urtima gara binchida dae s’iscuadra de Mastru Dino Guadalupi in custu campionadu. Dae tando sas gaddhuresas ant perdidu ottos ‘ias, una fatu a s’àtera, pro torrare a naschere a sas chimbe de serantina in su PalaFerroli de Santu Bonifacio, còntra sa terza in classifica de su girone B, mujada cun sos partziales de 25-23, 25-21, 25-19. Sos tres puntos achividos in terra veneta, balent 15 puntos in totu, ma no abbastant a che pigare a subra dae su penurtimu logu, chi cundennat s’Hermaea – cussu s’ischiat dae meda – a sa poule de sa salvèsa. Como accudit s’urtima gara de s’annada, Dominiga in su Geopalace, còntra sa cabulista Macerata.
Mario Bua Capitta, Amistade
